იუსტიციის მინისტრ თეა წულუკიანის განცხადებით, „ნაციონალური მოძრაობის“ ერთ-ერთი წევრის, გივი თარგამაძის მანქანის აფეთქების საქმეს თუ კვალიფიკაცია ექნება შესაცვლელი, შეიცვლება.
ამის შესახებ მან ჟურნალისტებთან საუბრისას განაცხადა.
„გამოძიება სულ ორი დღეა, რაც დაიწყო, აქედან გამომდინარე, თუ კვალიფიკაცია იქნა შესაცვლელი, შეიცვლება, თუ არ იქნა შესაცვლელი, არ შეიცვლება. დღეს ძალიან ადრეა, ვისაუბროთ რაიმე ტიპის ვერსიებზე, თუ რა არის მომხდარი სინამდვილეში. ნუ იჩქარებთ, დაველოდოთ გამოძიების შედეგებს“,- აღნიშნა იუსტიციის მინისტრმა.
გივი თარგამაძის ავტომანქანა თბილისში, კოლმეურნეობის მოედნის მიმდებარე ტერიტორიაზე მიმდინარე წლის 4 ოქტომბერს, საღამოს აფეთქდა. აფეთქებისას მანქანაში იმყოფებოდა თავად თარგამაძე, თუმცა მას დაზიანება არ მიუღია. გივი თარგამაძე აცხადებს, რომ მისი ავტომანქანა გაზზე არ მუშაობს და ამდენად აფეთქებას გამიზნულ ქმედებას უწოდებს. აფეთქების შედეგად დაზიანებები მიიღო სამმა გამვლელმა, ასევე ათზე მეტი ავტომანქანა დაზიანდა. შსს-მ გამოძიება სსკ-ის 109-ე მუხლით დაიწყო, რაც გულისხმობს განზრახ მკვლელობას დამამძიმებელ გარემოებებში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.