,,რაც თქვენ ნახეთ რუსთაველის გამზირზე და „ვარდების მოედანზე“, ეს არის ის რაოდენობა, რომელიც ”ნაციონალებს” უჭერს მხარს. ეს არ არის ის რაოდენობა, რომელიც მათ, ხელისუფლებაში მოყვანას უზრუნველყოფს. ასე, რომ არავითარ შემთხვევაში არ უნდა იფიქროთ, რომ რაიმე ტიპის პანიკის საფუძველი არის. არ შეცდეთ”, - აცხადებს ნინო ბურჯანაძე.

”მაგრამ კიდევ კარგი, რომ საქართველოს მოსახლეობა მართლა ბრძენია. მინდა გავაკეთო განსაკუთრებით ჩემი მომხრეების მობილიზაცია და ვუთხრა ამ ადამიანებს: ყველა უნდა მოვიდეს არჩევნებზე. ჩვენ, ძალიან ბევრი მხარდამჭერი გვყავს და ყველა ხმა მნიშვნელოვანია. ნამდვილად ვიცი და ამისი მტკიცება არ მჭირდება, რომ იმაზე გაცილებით მეტი ხმა გვყავს, ვიდრე გვიცხადებენ. ეს, არ არის ცარიელი სიტყვები და მე, ვერ ვხედავ რაღაც მასშტაბური აქციების მოწყობის აუცილებლობას, მაგრამ არც ,,ქართული ოცნება“ , რომელიც ჰაერში დაფრინავს და არც - ,,პატრიოტთა ალიანსი“, რომელიც ამბობს, რომ 30% აქვთ უკვე ( მათ, ალბათ ასე სჯერათ). ნამდვილად კარგად ვიცი, რომ ,,თავისუფალი დემოკრატები“ არა თუ ვერ გვისწრებენ, არამედ მათ, მესამე რეიტინგიც არ აქვთ. ძალიან კარგად ვიცი, რომ ,,ქართულ ოცნებას“ ნამდვილად არ აქვს ის რეიტინგი, რამდენსაც წერენ. ძალიან კარგად ვიცი ბევრი სხვა რამ და ისიც, რომ ”ოცნებამაც” და ”ნაციონალებმაც” იციან ჩვენი რეიტინგიც“, - განაცხადა ნინო ბურჯანაძემ.