"ქართული ოცნების" წევრი მამუკა მდინარაძე GFK-ს მიერ გამოქვეყნებულ ეგზიტ პოლის შედეგებს უნდობლობას უცხადებს.

მისი თქმით, ის ენდობა იმ განწყობას, რომელიც არის საზოგადოებაში და "ქართული ოცნების" ამომრჩევლებში.

"მე ვენდობი იმ ეგზიტ პოლს, რომელიც ასახავს რეალობას. მე რა განწყობაც ვნახე დღეს საზოგადოებაში, რომელშიც ჩვენი მხარდამჭერები არიან, რომლებიც შტაბშიც კი მოდიოდნენ და და აფიქსირებდნენ რომ ჩვენ უკვე გავაკეთეთ არჩევანი და ჩვენ თქვენი მხარდამჭერები ვართ.... ამასთან მიახლოებული შედეგები ჩემთვის არის მისაღები. ხოლო ის შედეგი, რომელიც დადო ორგანიზაციამ რომელმაც რამდენჯერმე უკვე მოგვატყუა, ბუნებრივია ვერ ვენდობით", - განუცხადა "რუსთავი 2"-ს მამუკა მდინარაძემ.

გერმანულ-ამერიკულმა კომპანია GFK-მ მთელი ქვეყნის მასშტაბით ეგზიტ პოლის შედეგები გამოაქვეყნა.

აღნიშნული ეგზიტ პოლის შედეგების მიხედვით, საპარლამენტო არჩევნებში პარტიების პროპორციული პროცენტული მაჩვენებელი შემდეგნაირად გადანაწილდა:


„ქართული ოცნება“ - 39, 9%


„ნაციონალური მოძრაობა“ - 32, 74%


ბლოკი „პატრიოტთა ალიანსი- გაერთიანებული ოპოზიცია“- 5, 76%


„პაატა ბურჭულაძე - სახელმწიფო ხალხისთვის“ – 3, 25%


„თავისუფალი დემოკრატები“- 3, 21%


„ლეიბორისტული პარტია“- 4, 21%


„დემოკრატიული მოძრაობა“- 2, 81%


ხოლო სხვა პარტიებმა ჯამში 8, 12% მოაგროვეს.

აღნიშნული ეგზიტ პოლის შედეგები ტელეკომპანია „რუსთავი 2“-მა გამოაქვეყნა, ცენტრალური საარჩევნო კომისია (ცესკო) კი არჩევნების პირველად შედეგებს 9 ოქტომბერს, სავარაუდოდ 06:00 საათზე გამოაცხადებს.