ტელეკომპანია „რუსთავი 2“-ის დაკვეთით გერმანულ-ამერიკული კომპანიის, GFK-ს მიერ ჩატარებული ეგზიტ პოლის შედეგების საბოლოო მონაცემები ცნობილია.

როგორც „რუსთავი 2“-ის ეთერით გახდა ცნობილი, ამ ეგზიტ პოლის საბოლოო შედეგების მიხედვით, ვითარება შეიცვალა და გამოკითხვის 100%-იანი დათვლის შედეგად, მთელი ქვეყნის მასშტაბით პროპორციული სიით, 5%-იანი ბარიერის გადალახვას მხოლოდ ორი პარტია ახერხებს. ეს პარტიებია: „ქართული ოცნება“- 39,9% და „ნაციონალური მოძრაობა“ – 32%.

GFK-ს ეგზიტ პოლის მიხედვით, ყველა სხვა პარტია დარჩა 5%-იანი ბარიერის მიღმა:

„პატრიოტთა ალიანსი“ – 4,3%;

„თავისუფალი დემოკრატები“- 4,1%;

„ლეიბორისტული პარტია“ – 3,6%;

„პაატა ბურჭულაძე - სახელმწიფო ხალხისთვის“ – 3,4%;

„დემოკრატიული მოძრაობა“- 2,9%;

სხვა პარტიები -9,8%.

„რუსთავი 2“-ის ცნობით, გამოკითხვას პროცენტნახევრიანი ცდომილების ზღვარი აქვს და ტელეკომპანიის ცნობით, ამ მონაცემების საფუძველზე, „პატრიოტთა ალიანს“, „თავისუფალ დემოკრატებს“ და "ლეიბორისტულ პარტიას“ აქვს 5%-იანი ბარიერის გადალახვის შანსი.