„საერთაშორისო რესპუბლიკური ინსტიტუტის“ (IRI) მარკ გრინი განცხადებით, საპარლამენტო არჩევნები  არ იყო იდეალური, თუმცა  მშვიდ გარემოში  ჩატარდა და  ქართველი ამომრჩევლის ნება ასახა.

როგორც მარკ გრინმა დღეს გამართულ პრესკონფერენციაზე განაცხადა, რომელმაც დღეს ჟურნალისტებს IRI-ს ანგარიშში გააცნო.

მარკ გრინის თქმით, განცხადებით, არჩევნები უმეტესწილად კარგად იყო ორგანიზებული, თუმცა კიდევ არის რიგი საკითხები გასაუმჯობესებელი. ამასთან, მისივე განცხადებით, 8 ოქტომბერი არ არის პროცესის დასასრული, ეს არის  პროცესის დასაწყისი.

„საერთაშორისო რესპუბლიკური ინსტიტუტი“ მოუწოდებს ქართველებს, გადადგან თანმიმდევრული და მიზანმიმართული ნაბიჯები, პირველი ტურის შემდეგ წარმოებულ პოლიტიკურ კამპანიაში.

„მიუხედავად იმისა, რომ 8 ოქტომბერი იყო პირველი და უმნიშვნელოვანესი ნაბიჯი ამ არჩევნებისთვის, მიგვაჩნია, რომ კიდევ უფრო მეტი ქმედითი ნაბიჯი უნდა გადაიდგას იმისთვის, რომ არჩევნების სრული პროცესი ჩაითვალოს წარმატებულად. ვიმედოვნებთ, რომ მომდევნო დღეებში ამომრჩევლები და პოლიტიკური ლიდერები გააგრძელებენ მუშაობას მშვიდად და გაწონასწორებულად ქვეყნის დემოკრატიული განვითარების გათვალისწინებით“, - განაცხადა მარკ გრინმა.

IRI-ს ანგარიში 20 ჯგუფის დამკვირვებლებისგან შემდგარი ჯგუფის მონაცემებს ეყრდნობა.

„სადამკვირვებლო მისია მოიცავდა 20 ჯგუფს, რომელიც შედგებოდა მოკლევადიანი და გრძელვადიანი დამკვირვებლებისგან. ჩვენი დამკვირვებლები დააკვირდნენ 200-ზე მეტ საარჩევნო უბანს და ჩაატარეს 1 000-ზე მეტი შეხვედრა წინასაარჩევნო პერიდოში. ჩვენი მისიის შემადგენლობაში 14 ქვეყნის წარმომადგენლები იყვნენ. ჩვენი პირველადი შეფასებით, ეს არჩევნები არ იყო იდეალური, თუმცა ძირითადად არჩევნები ჩატარდა მშვიდ და წყნარ გარემოში. იყო კარგად ორგანიზებული და, როგორც ჩანს, ასახა ქართველი ამომრჩევლის ნება“,-აღნიშნა მარკ გრინმა.

„საერთაშორისო რესპუბლიკური ინსტიტუტი“ ცენტრალურ საარჩევნო კომისიას რეკომენდაციით მიმართავს, გააუმჯობესოს ხმის დათვლის პროცედურები, რომ ეს პროცესი ასეთი ხანგრძლივი არ იყოს.