ირაკლი ალასანიას პოლიტიკიდან წასვლის შემდეგ „თავისუფალ დემოკრატებში“ რეორგანიზაცია განხორციელდება. ალასანიას თქმით, პარტია ადგილობრივი და შემდგომი არჩევნებისთვის ბრძოლას განაგრძობს.
„თავისუფალი დემოკრატები“ ველოდებოდით არჩევნების შედეგების ძირითადი ნაწილის გამოცხადებას, ამიტომაც გადავწყვიტეთ, რომ ვიდრე არ მოხდებოდა წინასწარი შედეგების შეჯამება არ გაგვეკეთებინა განცხადება. მთელ საქართველოს, მხარდამჭერებს მადლობა. მინდა, ჩვენ პარტიას, „თავისუფალი დემოკრატების“ ყველა წევრს ვუთხრა მადლობა, რომ წლების განმავლობაში არ ურიგდებოდით უსამართლობას, არ დაგვიკარგავს, არც პოლიტიკური, არც ადამიანური სახე, მიუხედავად ბევრი სირთულისა. გვქონდა მარცხი, გამარჯვებები, მაგრამ ვიყავით ერთად. ეს იყო ყველაზე დიდი სახასიათო ნიშანი, რითაც სხვა პარტიებისგან გამოგვარჩევდნენ. შედეგი, რომელიც დავინახეთ, მოქალაქების არჩევანი, ჩვენთვის არის მოცემულობა. ჩვენ გვაქვს ძალიან დიდი გეგმები კომპეტენტური, პროფესიონალი ხალხის მიერ მომზადებული, რომლის განხორციელება ჩვენს ქვეყანას თვისობრივად ახალ ეტაპზე გადაიყვანდა. მაგრამ სამწუხაროდ, იმ მოცემულობაში და იმ შედეგით, რომელიც დაიდო, ჩვენ ამის განხორციელების საშუალება ახლა არ გვეძლევა. რა თქმა უნდა, ყველას ერთად გასააზრებელი გვაქვს და გადასაფასებელი ის, თუ რატომ მივიღეთ ასეთი შედეგი. ჩვენ, უახლოესი პერიოდის განმავლობაში "თავისუფალი დემოკრატები" გავაანალიზებთ შედეგებს თითოეულ ოლქში, თითოეულ უბანზე თუ რა შედეგი დავდეთ და რატომ ვერ მივაღწიეთ იმას, რომ ჩვენ გამარჯვებით შევსულიყავით პარლამენტში.
„ამას აქვს თავის მიზეზები, რომელსაც პირველ რიგში თვითკრიტიკულად უნდა მივუდგეთ და დავიწყოთ სერიოზული რეორგანიზაცია, პარტიის განახლება და დაგეგმვა ადგილობრივ არჩევნებზე ჩვენი მონაწილეობის.... მქონდა გუშინ, დღეს ჩემს თანმანებრძოლეებთან, პარტიის წევრებთან, მაჟორიტარული დეპუტატობის კანდიდატებთან შეხვედრები. ჩვენ ძალიან ბევრი რამ გვაქვს გასააზრებელი ერთობლივად. მე დარწმუნებული ვარ იმაში, რომ "თავისუფალი დემოკრატები" - პარტია, რომელიც ღირებულებეზეა დაფუძნებული, სერიოზულად მოვემზადებით, გავაგრძელებთ ბრძოლას ადგილობრივი და შემდგომი არჩევნებისთვის. ამას დაჭირდება დრო, ამას დაჭირდება ანალიზი. მაგრამ იმაში ვარ დარწმუნებული, რომ მომავალ არჩევნებზე ბევრად უფრო დიდ, საიმედო შედეგს დავდებთ“, - განაცხადა ალასანიამ საგანგებო ბრიფინგზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.