მიუნხენის 50-ე უსაფრთხოების კონფერენცია ოფიციალურად გაიხსნა. მისასალმებელი სიტყვა კონფერენციის თავმჯდომარემ ვოლფგანგ იშინგერმა წარმოთქვა და მონაწილეებს სტუმრობისთვის მადლობა გადაუხადა. ვოლფგანგ იშინგერის შემდეგ კონფერენციის მონაწილეებს მიმართა გერმანიის ფედერაციული რესპუბლიკის პრეზიდენტმა იოხიმ გაუკიმ.
50-ე საიუბილეო კონფერენციას ესწრება მსოფლიოს 20-მდე სახელმწიფოს მეთაური. მათ შორის არის საქართველოს პრემიერ-მინისტრი ირაკლი ღარიბაშვილი, რომელიც კონფერენციის მონაწილეებს სიტყვით მიმართავს.
მიუნხენში ასევე იმყოფება 50-მდე ქვეყნის საგარე საქმეთა და თავდაცვის მინისტრები.
კონფერენციის მთავარი საკითხებია ევროპის თავდაცვის მომავალი, ახლო აღმოსავლეთის სამშვიდობო პროცესი, გლობალური ძალაუფლება და რეგიონალური სტაბილურობა , ტრანსატლანტიკური რენესანსი, ენერგო და ეკოლოგიური უსაფრთხოება, ფოკუსი ცენტრალურ და აღმოსავლეთ ევროპაზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.