საქართველოს პრეზიდენტის, გიორგი მარგველაშვილის სახელით ყირგიზეთის რესპუბლიკის პრეზიდენტის ალმაზბეკ ატამბაევის პატივსაცემად პრეზიდენტის სასახლეში ოფიციალური სადილი გაიმართა.
„მოხარული ვარ, რომ დღეს ჩვენ არამხოლოდ მივიღეთ მტკიცე მხარდაჭერა საქართველოს სუვერენიტეტისა და ტერიტორიული მთლიანობისადმი, არამედ მნიშვნელოვანი ნაბიჯი გადავდგით ჩვენი ქვეყნების თანამშრომლობის გაღმავებისა და განვითარებისათვის. მინდა განვაცხადო, რომ ჩვენ ურთიერთობის ახალ ეტაპს ვიწყებთ, რომელიც მრავალი სიკეთის მომტანი იქნება ჩვენი ქვეყნებისათვის.
ბატონო პრეზიდენტო, ჩვენს ხალხებს მრავალსაუკუნოვანი მეგობრობა აკავშირებთ. ქართველები და ყირგიზები დამსახურებულად ამაყობენ თავისი ისტორიით, მდიდარი კულტურითა და ღირსეული წვლილით მსოფლიო ცივილიზაციის განვითარებაში.
სწორედ ამ სულისკვეთებით, ნება მომეცით შემოგთავაზოთ ყირგიზეთის რესპუბლიკის პრეზიდენტის, მისი აღმატებულება ბატონი ალმაზბეკ ატამბაევის, ქალბატონი რაისა ატამბაევას და ქართველი და ყირგიზი ხალხის მტკიცე მეგობრობისა და კეთილდღეობის სადღეგრძელო”, - აღნიშნა საქართველოს პრეზიდენტმა.
ოფიციალურ სადილს საქართველოს მთავრობის წევრები, პრეზიდენტის ადმინისტრაციის წარმომადგენლები და ყირგიზეთის სახელმწიფო დელეგაციის წევრები ესწრებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.