პოლიტიკური პარტია „გაერთიანებული დემოკრატიული მოძრაობის“ ახმეტის რაიონული ორგანიზაცია, მუნიციპალიტიეტის გამგეობის მიერ „ჯიპის“ ტიპის სამი ავტომობილს შესყიდვის ფაქტს აპროტესტებს.

რაიონული ორგანიზაციის ხელმძღვანელის ირაკლი უჯირაულის განცხადებით, ამ დროისთვის მუნიციპალიტეტს ათზე მეტი ავტომობილი ემსახურება და კიდევ ახალი მანქანების შეძენა, რაიონში არსებული მძიმე ეკონომიკური და სოციალური მდგომარეობის ფონზე, გაუმართლებელია.

„იმ დროს, როდესაც მუნიციპალიტეტის გამგეობა სოციალურად დაუცველ მოსახლეობის ნაწილს უარს ეუბნება უფასო კვებაზე, აბსოლუტურად ზედმეტად მიგვაჩნია 36 000 ლარის საკუთარი კეთილდღეობის და ფუფუნების შესაქმნელად გამოყოფა. თითოეული ავტომობილის შეძენა კი ზედმეტ ხარჯებს გამოიწვევს. მთლიანობაში, ამ მანქანების შენახვა მუნიციპალიტეტს ათობით ათასი ლარი დაუჯდება“ , - აუცხადებს უჯირაული.

მისივე ინფორმაციით, ამ დროისთვის, ახმეტის გამგებლის ბექა ბაიდაურის სარგებლობაშია „ტოიოტა კამრი“ და „ლექსუს“ GX470 . ამის გარდა, ორ - ორი მანქანით სარგებლობენ გამგებლის მოადგილეები, საკრებულოს თავმჯდომარე და გამგეობის სამსახურის უფროსები.

ახმეტის მუნიციპალიტეტის ბალანსზე არსებული ავტომობილების შენახვის ხარჯი წლიურად 150 000 ლარს აღემატება.