შინაგან საქმეთა მინისტრი გიორგი მღებრიშვილი, პრემიერ მინისტრ გიორგი კვირიკაშვილთან და მთავრობის წევრებთან ერთად, ბათუმში ამერიკის შეერთებული შტატების მე-6 ფლოტის სამეთაურო და მართვის ხომალდ „Mount Whitney“-ზე გამართულ საზეიმო მიღებას დაესწრო.
საქართველოს პრემიერ მინისტრმა ამერიკული ხომალდის საქართველოში შემოსვლის მნიშვნელობა შეაფასა და მას აშშ-ს ურყევი მხარდაჭერის კიდევ ერთი დასტური უწოდა.
საქართველოს მთავრობის მეთაურის თქმით, აღნიშნული ვიზიტი მიზნად ისახავს ამერიკის რეგიონალური პარტნიორების საზღვაო-სამხედრო შესაძლებლობების ზრდას და ამით უსაფრთხოებისა და სტაბილურობის უზრუნველყოფას.
ამერიკული გემი საქართველოს ტერიტორიულ წყლებში 12 ოქტომბერს შემოვიდა. ამერიკის შეერთებული შტატების სამხედრო საზღვაო ძალების დელეგაციას ბათუმის პორტში შსს-ს სასაზღვრო პოლიციის სანაპირო დაცვის დეპარტამენტის ხელმძღვანელები დახვდნენ.
ვიზიტის ფარგლებში, ორდღიანი ერთობლივი სწავლება ჩატარდა, რომელიც საზღვაო ოპერაციების სამართალს, ძებნა-გადარჩენის ოპერაციების დაგეგმვასა და საზღვაო მანევრებს მოიცავდა.
სწავლების პარალელურად, აშშ-ს სამხედრო საზღვაო ძალების დელეგაციის წევრები შსს-ს სასაზღვრო პოლიციის სანაპირო დაცვის დეპარტამენტის მუშაობის სპეციფიკას გაეცნენ. ამერიკული ხომალდის ეკიპაჟის წევრებსა და სანაპირო დაცვის დეპარტამენტის თანამშრომლებს შორის ამხანაგური საფეხბურთო მატჩიც გაიმართა.
ამერიკული გემი საქართველოს ტერიტორიულ წყლებს 15 ოქტომბერს დატოვებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.