დედაქალაქში „თბილისობისადმი“ მიძღვნილი ღონისძიებები იმართება. ფესტივალის ფარგლებში ეწყობა სხვადასხვა კულტურული და სპორტული  ღონისძიებები, ლიტერატურული და არქიტექტურული კონკურსები, საბავშვო გასართობი ღონისძიებები, კულინარიული გამოფენა-გაყიდვები და  სასოფლო-სამეურნეო ბაზრობები, სადაც ყველა თაობის წარმომადგენელს შეეძლება  მისთვის საინტერესო ღონისძიებებზე ესწრება.

თბილისობის დღესასწაული, გუშინ, ლეღვთახევში, მივიწყებული, მე-19 საუკუნის თბილისის  პროფესიების იმიტირებული მიზანსცენებით გაიხსნა და  დღეს  მეიდანზე,  ქართველი შემსრულებელების მონაწილეობით გამართული გალა კონცერტით „ჩემო თბილის ქალაქო“ დასრულდება.

თბილისის მერია იმ ღონისძიებების ჩამონათვალს ავრცელებს, რომელიც დღეს უნდა გაიმართოს:

12:00 -19:00 საათამდე ლეღვთახევში გაიმართება მივიწყებული პროფესიების იმიტირებული მიზანსცენები (დიდგვაროვნებისა და ყარაჩოხელების კუთხე; მჭედელი, მეწაღე, მეთულუხჩე, მეაფიშე);

12:00 - 19:00 საათამდე ევროპის მოედანზე, ტოლერანტობის სკვერში მოეწყობა თბილისური ბაზარი ზურაბ შევარდნაძესთან ერთად;

12:00 - 19:00 საათამდე ევროპის მოედანზე, ღვინის აღმართთან  და რიყის პარკში სხვადასხვა სახეობის ქართული ღვინისა და სოფლის მეურნეობის ქართული პროდუქციის დეგუსტაცია, გაყიდვა და  სხვადასხვა კულინარიული გამოფენა  გაიმართება;

12:00 - 19:00 საათამდე მეტეხის ხიდთან გაიმართება სპორტული ავტომობილების გამოფენა სახელწოდებით „არ ვარღვევ“;

12:00 - 19:00 საათამდე „ახალი ტფილისის“ ტერიტორიაზე პანტომიმის თეატრის წარმოდგენა გაიმართება;

12:00 - 19:00 საათამდე რიყის პარკში გაიმართება სპორტული ღონისძიებები, რაგბისა და მინი გოლფის მოედანი, პარკური და კალათბურთი;

12:00 - 19:00 საათამდე „ახალ ტფილისში“ქუჩის მუსიკოსების კონცერტი, ასევე სასულე ორკესტრის მსვლელობა გაიმართება;

12:00 - 19:30 საათამდე ევროპის მოედანზე გაიმართება კონცერტები, სადაც მონაწილეობას მიიღებენ სტილიზებული ფოლკლორის თეატრი „ნაბადი'', ანსამბლი „თბილისი’’, ფოლკლორული ანსამბლი „ხარება", ანსამბლი „თბილისური კვარტეტი" , ჯგუფი „გიო +" ახალი პროექტით, ჯგუფი The Jetbird და ჯგუფი Goofyland;

15:30 - 17:00 საათამდე „ახალ ტფილისში“ თბილისის მერიის საკონცერტო ორკესტრი „ბიგ-ბენდის" კონცერტი გაიმართება, ხოლო 16:00 საათიდან 17:00 საათამდე გამოფენა Error images;

18:00 - 19:00 საათამდე თბილისის მუნიციპალიტეტის საკრებულოში ლიტერატურისა და ხელოვნების კონკურსის „თბილისი 2016" - ის დაჯილდოება, ხოლო 19:00 - 20:00 საათამდე „თბილისზე მზრუნველის" დაჯილდოება გაიმართება;

19:00 - 20:30 საათამდე „ახალ ტფილისში“ „თხრობა მუსიკით“ - დათო ევგენიძის აკომპანიმენტით, ხოლო 20:00 - 20:30 საათამდე „თბილისის თანამედროვე ბალეტის“ წარმოდგენა გაიმართება;

21:00 - 22:00 საათამდე „ახალ ტფილისში“ „თბილისური ეზო" გაიმართება, ხოლო 21:00 - 22:45 საათამდე თბილისის მეიდანზე გალაკონცერტი - „ჩემო თბილის ქალაქო" ჩატარდება;

23:00 - 01:00 საათამდე თბილისელების განწყობაზე „ახალ ტფილისში“ DJ GACHA იზრუნებს.