ტელეკომპანია „რუსთავი 2“-ის გენერალური დირექტორის, ნიკა გვარამიას განცხადებით, ის სამოქალაქო სექტორის პასიურობით გაკვირვებულია.

ამის შესახებ მან გადაცემა „არჩევანში“ ისაუბრა.

მისი განმარტებით, „ნაციონალური მოძრაობის“ არჩევნებზე ორჯერ მეტი ბათილი ბიულეტენია და  არცერთი წამყვანი არასამთავრობო ორგანიზაცია ამაზე სიტყვას არ ძრავს.

„ძირითადი აქტორები ისეთი მდუმარეები იყვნენ, როგორც არასდროს. დიდმა სამეულმა ძალიან პასიური, კონტრპროდუქტიული როლი ითამაშა. „ნაციონალური მოძრაობის“ დროს მათი ჰიპერაქტიურობა და სწორი აქტიურობა ყოფილა პოლიტიკური აჯენდის ნაწილი. ამ არჩევნებზე, როდესაც „ნაციონალური მოძრაობის“ არჩევნებზე ორჯერ მეტი ბათილი ბიულეტენია და როცა წამყვანი არცერთი ენჯეო ამაზე სიტყვას არ ძრავს, კითხვის ნიშნებს მიჩენს. მე, როგორც მედია, ვეცდები, რომ მათ შორის არასამთავრობო სექტორი უფრო სეგმენტირებული იყოს“, - განაცხადა ნიკა გვარამიამ.