„აღმოსავლეთის პარტნიორობის“ რიგის სამიტზე, რომელიც მაისში უნდა გაიმართოს, ევროკომისიას უკრაინასთან და საქართველოსთან უვიზო რეჟიმის შემოღების საკითხის განხილვა დაგეგმილი არ აქვს", განაცხადა იოჰანეს ჰანმა, ევროკომისიის წევრმა ევროპული მეზობლობის პოლიტიკის საკითხებში.

ამის შესახებ სტატიას რუსული გამოცემა „როსიისკაია გაზეტა“, ჟურნალისტ ვლადისლავ ვორობიოვის ავტორობით აქვეყნებს.

„გავიხსენოთ, რომ ერთი წლის წინ, უკრაინის რევოლუციის დროს, მაიდანზე სასწრაფოდ შეკრებილი ევროპელი მაღალჩინოსნები ერთხმად იფიცებოდნენ, რომ მათი პირველი ნაბიჯი უკრაინისათვის „შენგენის ზონის“ კარის გაღება იქნებოდა.

ქართველებს შენგენის ვიზების გაუქმებაზე უკვე დაახლოებით შვიდი წელია არწმუნებენ, მაგრამ, როგორც ამბობენ ხოლმე ასეთ შემთხვევვებში, „ურემის ისევ იქ დგას“. აშკარაა, რომ ქართველებს ბრიუსელის ფიცი-მტკიცისა უკვე აღარ სჯერათ, ახლა კი „ცივი შხაპის“ მიღების დრო უკრაინელებისთვისაც მოვიდა.

ბრიუსელში ოთხშაბათს გამართულ პრეს-კონფერენციაზე იოჰანეს ჰანმა დააზუსტა: „ამ მომენტისათვის საქართველოს სიტუაციის შესწავლა ჯერ მხოლოდ მეორე ეტაპზეა. ვნახოთ, როგორ შეასრულებს თბილისი [ევროკავშირის პირობებს], დაველოდოთ შედეგებს“. მისი თქმით, მომავალში (ანუ არცთუ ისე სწრაფად), როგორც ჩანს, საქართველოსთვის უვიზო რეჟიმის დაწესება ევროსაბჭოს გადაწყვეტილებით მოხდება. „იგივე შეიძლება ითქვას უკრაინის შესახებაც“, - დაამატა იოჰანეს ჰანმა. არადა, ისიც გავიხსენოთ, თუ როგორ იყვნენ მზად უკრაინელი ახალგაზრდები ნაკუწებად ექციათ ყოველი ადამიანი, ვინც კი გონივრულ ეჭვს შეიტანდა ევროპელი პოლიტიკოსების დაპირებებში“ - წერს გამოცემა.

http://www.newspress.ge/uckhouri-presa/62341-rigis-samitze-saqarthvelosa-da-ukrainisathvis-uvizo-rezhimis-shemoghebis-sakithkhis-gankhilva-ar-igegmeba.html