„დემოკრატიული მოძრაობის“ ლიდერი  ნინო ბურჯანაძე საქართველოში აკრედიტირებულ ელჩებს ხვდება.

„დემოკრატიული მოძრაობის“ პრესსამსახურის ინფორმაციით, შეხვედრების მიზანია, დიპლომატიური კორპუსის წარმომადგენლები გაეცნონ იმ დარღვევებს, რომლებსაც 8 ოქტომბრის საპარლამენტო არჩევნების დროს ჰქონდა ადგილი. ასევე პარტიის ცნობით, მათ მიეწოდათ ინფორმაცია იმ სასამართლო პროცესების თაობაზე, რომელზეც „დემოკრატიული მოძრაობის“ წარმომადგენლებმა ბიულეტენების ხელახლა გადათვლის მოთხოვნაზე უარი მიიღეს.

„რა თქმა უნდა ის ფაქტი, რომ ჩვენ ვითხოვთ კანონის შესაბამისად ბიულეტენების გადათვლას, ხოლო ხელისუფლება კატეგორიულად გვეწინააღმდეგება, არგუმენტირებულ კითხვებს აჩენს. ჩვენთვის მნიშვნელოვანია, რომ დიპლომატიური კორპუსის წარმომადგენლები გაეცნონ ჩვენს პრეტენზიებსა და არგუმენტებს, რომლებიც მე და ჩემს გუნდს გაგვაჩნია არჩევნების გაყალბებასთან დაკავშირებით“, - განაცხადა ნინო ბურჯანაძემ.