რუსეთის ელჩი დიდ ბრიტანეთში ბრალს სდებს ბრიტანეთის მთავრობას იმაში, რომ ის ლონდონში ბაზირებული საელჩოს თანამშრომლებზე ვიზების გაცემას აყოვნებს.

BBC -ის ცნობით, ალექსანდრე იაკოვენკომ თქვა, რომ საელჩო „პატარავდება“ და დასვა შეკითხვა იმის თაობაზე, სურს თუ არა დიდ ბრიტანეთს „ადეკვატური რუსული დიპლომატიური წარმომადგენლობა“.

მან ასევე გააკრიტიკა პრემიერ მინისტრი და საგარეო მდივანი თავიანთი „ანტი-რუსული განაცხადებების“ გამო.

საგარეო საქმეების ოფისმა განაცხადა, რომ ვიზების გაცემის მხრივ არავითარი დაყოვნების პოლიტიკა არ არსებობს.

იაკოვენკომ თქვა, რომ რუსეთს ლონდონში არ გააჩნია საკმარისი ოდენობა თანამშრომლებისა, რადგან იმ ადამიანების შემცვლელებს, რომლებიც შინ დაბრუნდნენ ან სხვა თანამდებობებზე განაგრძეს საქმიანობა, ვიზებს არ აძლევენ.

„საელჩო ვიწროვდება და თუ ეს პროცესი გაგრძელდა, საელჩო კიდევ უფრო დაპატარავდება. ადამიანების შეცვლა ვერ მოხერხდება, რადგან ვიზები არ გაიცემა“, - თქვა მან.

„ვიმედოვნებ ახლანდელი მთავრობის პირობებში პრობლემა გადაიჭრება“.

მან დაამატა: „აქ, ლონდონში, ჩვენ უბრალოდ არ გვესმის ამ ქვეყნის სტრატეგია ვიზის საკითხებზე“.

იაკოვენკოს კომენტარებს წინ უძღოდა ოქტომბრის დასაწყისში საგარეო მდივნის, ბორის ჯონსონის პარლამენტარების წინაშე წარმოთქმული სიტყვა, სადაც მან განაცხადა, რომ რუსეთი რისკავდა „დაბალი კასტის ერად“ გახდომას სირიის ქალაქ ალეპოს დაბომბვებში მისი ჩართულობით და დაჟინებით მოუწოდა პროტესტანტებს მისი საელჩოს წინ დემონტრანციის მოწყობისკენ.

მიმდინარე კვირას კი პრემიერ მინისტრმა ტერეზა მეიმ დაბეჯითებით მოუწოდა ევროპელ ლიდერებს გაუგზავნონ „ერთიანი მძლავრი გზავნილი“ მოსკოვს დაბომბვის კაპმანიის შესახებ.