ჯიხაშკარის 79-ე უბანზე ,,საუნჯის’’ დამკვირვებელმა დააფიქსირა მნიშვნელოვანი დარღვევა. ,,კერძოდ, კაბინაში შესული ამომრჩეველი აკეთებდა არჩევანს, როდესაც შიგნით ყურება დაიწყო" სოციალურ-პოლიტიკური გაერთიანების" ცენტრის დამკვირვებელმა გოჩა რაფავამ, რომელმაც დაინახა ამომრჩევლის შემოხაზული კანდიდატი და ანიშნა სხვა პირს, რომ ის შემოხაზა რაც მე ვუთხარი. ამ შემთხვევაში რაფავას ქმედება შეიცავს, ერთის მხრივ, ხმის მიცემის ფარულობის დარღვევას, რაც სისხლის სამართლის კოდექსის 164-ე მუხლის გათვალისწინებით დანაშაულია, ხოლო მეორეს მხრივ ამომრჩევლის ნების თავისუფალ გამოხატვაზე ზეგავლენის ნიშნებს შეიცავს, რაც სისხლის სამართლის კოდექსის 162-ე მუხლით გათვალისწინებული დანაშაულია. ამ დროს კი ცესკოს პრესსამსახური ავრცელებს, რომ მხოლოდ თვალის ჩაკვრის გამო დაწერა დამკვირვებელმა საჩივარი, რასაც ვგმობ და მივმართავ ცესკოს, რომ გაეცნოს ჩვენს საჩივარს და მხოლოდ ამის შემდეგ გაავრცელოს ინფორმაცია. ასევე გთხოვთ, გადაამოწმოთ ინფორმაციას საოლქო კომისიაში, გამოითხოვოთ ჩვენი დამკვირვებლის მიერ შედგენილი საჩივარი და საზოგადოებას მიაწოდოთ უტყუარი ინფორმაცია.
იმედია თქვენი რედაქცია ჩვენს განცხადებას გაავრცელებს, რომელიც გადმოგეგზავნათ.

ასევე დავამატებ, რომ აღნიშნულის შესახებ საუბნო საარჩევნო კომისიის თავმჯდომარემ მასმედიის წარმომადგენლებს უკვე მისცა ინტერვიუ და განმარტა, რომ აღნიშნულმა პიროვნება ხმის მიცემის ფარულობის დარღვევის გამო საჩივრის დაწერის შემდეგ დაატოვებინეს უბანი.