23 ოქტომბერს, “ჯორჯიან უოთერ ენდ ფაუერის” მიერ განცხადება გავრცელდა, რომლის მიხედვითაც თბილისის დიდ ნაწილს წყალმომარაგება აღმაშენებლის ხეივანზე, რესტორან მონოპოლთან “ჯორჯიან უოთერ ენდ ფაუერის” 1400 მმ-იანი წყალსადენის მაგისტრალური ქსელის დაზიანების გამო შეუწყდა. თუმცა წყალმომარაგების შეზღუდვის იმ მისამართების ჩამონათვალში, რომელიც კომპანიას აქვს მითითებული არ არის მითითებული დიდი დიღომი, ზაჰესი და სხვა უბნები, რომელთაც წყალი ამ დრომდე არ მიეწოდება.

მომხმარებელთა დიდი ნაწილი უკმაყოფილებას გამოხატავს იმის გამო, რომ კომპანიის მიერ მითითებულ ცხელ ხაზზე დაკავშირება შეუძლებელია. 

კომპანიის მიერ გუშინ გავრცელებულ განცხადებაში კი აღნიშნულია, რომ ტექნიკურ-აღდგენითი სამუშაოების წარმოების მიზნით, ადგილზე მობილიზებულია ბრიგადა. აღნიშნული სამუშაოების ჩატარება მაგისტრალური ქსელის წყლისგან სრულად დაცლას საჭიროებს, რის გამოც 23 ოქტომბრის 16:30 საათიდან წყალმომარაგება 24 ოქტომბრის დილის 09:00 საათამდე შეუწყდება შემდეგ მისამართებს:

"ვაკის რაიონში: ვაჟა ფშაველას კვარტლებს, ნუცუბიძის მიკრო რაიონებს და ქუჩას, გამრეკელის, გურიელის, დელისის 1,2,3 ქუჩებს, ჩიქოვანის, ზაქარიაძის, ვაჟა-ფშაველას გამზ. 41-დან 83-მდე, და 46-დან ბოლომდე, თამარაშვილის ქუჩას, შავგულიძის, მინდელის, ჯიქიას, ყაზბეგის გამზ. 43-დან 55-მდე, 26-დან 46-მდე, ქავთარაძის, წყნეთის გზატკეცილს, ჭავჭავაძის 39-დან 75-მდე, 74-დან 80-მდე, ყიფშიძიდან წყნეთის გზატკეცილამდე, შატბერაშვილის, მარაბდის, ქობულეთის, კეკელიძის, მცხეთის, ქუთათელაძის, ტაბიძის, აბაშელის, ცხვედაძის, რაზმაძის, გაზაფხულის, მაღალაშვილის, გეგეჭკორის და ჩახავას ქუჩებს.

საბურთალოს რაიონში: სოფ. დიღომში ვაშაძის ქუჩას, ჭანტურიას, აღმაშენებლის, თამარ მეფის, მესხის, გორგასლის ქუჩებს.

მთაწმინდის რაიონში: რჩეულიშვილს, ჟვანიას, ჯაფარიძის, გოგებაშვილის, მაყაშვილის, კერესელიძის, ჭოველიძის, გუნიას,ლარსის, თერგის, გალის, უმიკაშვილის, პ. კაკაბაძის, ტარიელის, ტყის, კ. მესხის, რიწის, მთაწმინდის, ყიფიანის, ჭონქაძის, გერგეთის, სავანელის, ამაღლების, კოჯრის, შინდისის, წავკისის, ოქროყანის, შხეფის, ს. მესხის, ახვლედიანის, აბესაძის, ბეთლემი, ბოლო აღმართის ქუჩებს.

ზედა ზონებს: წყნეთი, კიკეთი, კოჯორი, წავკისი, ტაბახმელა, შინდისი

წყალმომარაგების შეწყვეტისა და აღდგენის შესახებ ინფორმაცია „ჯორჯიან უოთერ ენდ ფაუერმა“ აბონენტებს წინასწარ, SMS-შეტყობინების სახით მიაწოდა. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge/ka/dagegmili.

„ჯორჯიან უოთერ ენდ ფაუერი“ დისკომფოტრისთვის ბოდიშს უხდის მომხმარებლებს და შეეცდება, სამუშაოების ჩატარება მოკლე დროში დაასრულოს:, - აღნიშნულია განცხადებაში.