საქართველოს პრემიერ მინისტრმა, გიორგი კვირიკაშვილმა გერმანიის ფედერაციული რესპუბლიკის საგანგებო და სრულუფლებიან ელჩთან, ჰაიკე ფაიჩთან გაცნობითი ხასიათის შეხვედრა გამართა.
მთავრობის ადმინისტრაციის ცნობით, მხარეებმა საქართველო-გერმანიის სტრატეგიული ურთიერთობების ძირითად საკითხებზე, რეგიონში არსებულ ვითარებაზე, საქართველოს ევროპულ და ევროატლანტიკურ პერსპექტივებზე ისაუბრეს. ხაზი გაესვა საქართველოსა და გერმანიას შორის არსებულ პარტნიორულ ურთიერთობებს და გამოითქვა თანამშრომლობის გაღრმავების იმედი.
ჰაიკე ფაიჩმა დაადასტურა გერმანიის მხარდაჭერა საქართველოს ტერიტორიული მთლიანობისა და სუვერენიტეტის, ასევე ევროინტეგრაციის პროცესების მიმართ.
გიორგი კვირიკაშვილმა წარმატებები უსურვა გერმანიის ახალ ელჩს და იმედი გამოთქვა, რომ მისი საქმიანობა ხელს შეუწყობს ორ ქვეყანას შორის არსებული მეგობრული ურთიერთობების კიდევ უფრო განვითარებას.
ეკონომიკურ და სოციალურ მეცნიერებათა დოქტორმა ჰაიკე ფაიჩმა საქართველოში გერმანიის ფედერაციული რესპუბლიკის ელჩის პოსტი 2016 წლის 12 სექტემბერს დაიკავა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.