„ერთიანი ნაციონალური მოძრაობის“ ერთ-ერთი ლიდერი მიხეილ მაჭავარიანი აქტიური პოლიტიკიდან მიდის. როგორც მან ჟურნალისტებთან საუბრისას განაცხადა, ამის მიუხედავად „ნაციონალური მოძრაობის“ წევრად და მხარდამჭერად რჩება.

„ვთვლი, რომ პარლამენტში ძალიან კარგი ხალხი შევიდა.როგორც მიშა მაჭავარიანი ვრჩები „ნაციონალური მოძრაობის“ მხარდამჭერად, დავეხმარები ყველანაირად, მაგრამ მიმაჩნია, რომ როგორც თავის დროზე ზურაბ ჟვანიამ მომიყვანა პოლიტიკაში, დამსვა და მითხრა, მიხედე, აი, ასე ჯობია ახლა - სხვა ადამიანებს მიეცეთ გასაქანი. მე ვრჩები ამ გუნდში, ვუჭერ მხარს “ნაციონალური მოძრაობის“პარლამენტში შესვლასაც და პარტიის მეორე ტურში მონაწილეობასაც. ამ პარტიის მხარდამჭერი ვიქნები და ყველაფერში დავეხმარები“,- განაცხადა მაჭავარიანმა.