მე მემუქრებიან, მოდიან და მაშინებენ, კარებზე მიკაკუნებენ, მაგრამ არ ვიცი, ვინ არიან, - აღნიშნული განცხადება სამტრედიაში გარდაცვლილი დემურ სტურუას დედამ, ნონა ჯოჯუამ რაიონულ პროკურატურაში დაკითხვის დასრულების შემდეგ გააკეთა.
როგორც გარდაცვლილის დედამ განაცხადა, მან გამოძიებას ყველა ის კითხვა გააცნო, რომელიც აღნიშნულ საქმესთან დაკავშირებით, თავად გააჩნია.
„რაც მქონდა კითხვები გამოძიებასთან და თვითმკვლელობასთან დაკავშირებით, პროკურატურას ყველაფერი ვუთხარი. მათ მკითხეს, რატომ შევატყობინე პირველად ჟურნალისტებს და არა - პოლიციას. მე ვუპასუხე, რომ ეს სიწყნარე არ მომწონდა და მინდოდა, ყველაფერი ტელევიზიით მეთქვა. მე მემუქრებიან, მოდიან და მაშინებენ, კარებზე მიკაკუნებენ, მაგრამ არ ვიცი, ვინ არიან. მინდა, რომ ნამდვილი მკვლელი დაისაჯოს“, - განაცხადა ნანა ჯოჯუამ.
დემურ სტურუას დედის განმეორებითი დაკითხვის საჭიროებაზე მას შემდეგ გააკეთა მთავარმა პროკურორმა განცხადება, რაც ნონა ჯოჯუამ მედიასთან საუბარში აღნიშნა, რომ გამოძიებასთან ბევრი კითხვა აქვს.
მანვე ჟურნალისტებთან საუბრისას განაცხადა, რომ წერილი, რომელიც სტურუამ თვითმკვლელობამდე დატოვა, შესაძლოა, სხვამ დააწერინა.
"წერილი ნამდვილად არის ჩემი შვილის ხელით დაწერილი, მაგრამ, როგორც ასეთი, წინა მხარეს არამგონია, რომ ჩემი შვილის აზრით იყოს დაწერილი, რადგან ეს წერილი დააწერინეს. წინა მხარეს არეულად წერია, მეორე მხარეს - დალაგებულად. განგებ დაადანაშაულა ვიღაცამ გოდერძი თევზაძე. არანაირი ინტერესი არ მაქვს, რომ გოდერძი თევზაძე მკვლელია", - განაცხადა დემურ სტურუას დედამ.
ნონა ჯოჯუა იხსენებს, რომ თევზაძე აღნიშნულ შემთხვევამდე, როდესაც ის უბნის რწმუნებული იყო, არაერთხელ დაეხმარა მის ოჯახს.
"როდესაც გოდერძი უბნის რწმუნებული იყო, ბევრჯერ დამიდგა გვერდით. არცერთი პოლიციელი არ დამხმარებია.... გამოძიებაც დაიწყო, მაგრამ სად არის გამოძიება, რას აკეთებს ამდენი ხანი, თუ ის მკვლელი არ არის, ნამდვილი მკვლელი რომ გარეთ დადის. ვფიქრობ, შეიძლება არ არის გოდერძი ნამდვილი მკვლელი და გარეთ არის ის ნამდვილი მკვლელი. შეიძლება, ის არის, რომ მაშინებს. ისიც მაინტერესებს, სადაა გამოძიება, რომ ჩემს შვილს ტელეფონის მოპარვას აბრალებდნენ. რომელიც ის ტელეფონი სხვა ბიჭმა მიიტანა ლომბარდში, ეს რატომ არ არის გამოძიებული. იმ ზომაზე ვარ უკვე, რომ არავის ვენდობი, რადგან ყველა გაიფანტა, ყველა წავიდა და დამტოვა. გაურკვევლობაში ვარ, მე მაინტერესებს ნამდვილი მკვლელი", - განაცხადა ნონა ჯოჯუამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.