სამცხე-ჯავახეთის წიწვოვან კორომებში, მბეჭდავი ქერქიჭამიას წინააღმდეგ საბრძოლველად გამოყენებული ფერომონიანი მწერსაჭერების მონიტორინგი დასრულდა.
გარემოსა და ბუნებრივი რესურსების დაცვის სამინისტროს სსიპ ეროვნული სატყეო სააგენტოს მიერ, მიმდინარე წლის განმავლობაში 2425 ცალი ხაფანგი განთავსდა, რისი საშუალებითაც დაჭერილი და განადგურებულია 3 მილიონამდე მავნებელი.
როგორც გარემოს დაცვის სამინისტროში განმარტავენ, ამ ეტაპზე მიმდინარეობს მთელი წლის მანძილზე ხაფანგებიდან მიღებული მონაცემების დამუშავება - ანალიზი, შემდგომში საერთო ანგარიშის წარსადგენად.
მათივე ცნობით, ანგარიშში გათვალისწინებული იქნება განსაზღვრულ ფართობებზე შესაბამისი ღონისძიებების რეკომენდაციები და მავნებლის კონტროლისათვის ალტერნატიული მეთოდების შემუშავება, რაც მიზნად აღნიშნულ რეგიონში ტყის სანიტარული მდგომარეობის გაუმჯობესებას ისახავს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.