საქართველოს ენერგეტიკის მინისტრი ილია ელოშვილი ტარიფების ზრდას არ ელოდება.
ჟურნალისტებთან საუბრისას ელოშვილმა აღნიშნა, რომ "ეს არის მარეგულირებელი კომისიის პრეროგატივა - ისინი პროცედურების მიხედვით გადახედავენ ტარიფებს", თუმცა, "სამინისტრო მიიჩნევს, რომ ტარიფების გაძვირების წინაპირობა არ ჩანს".
სემეკის თავმჯდომარის, ირინა მილორავას განმარტებით, ტარიფების გადახედვა გეგმურია.
„ჩვენ ახალი მეთოდოლიგიით ტარიფებს ყოველწლიურად ვადგენთ. დღეს მოქმედი სამომხმარებლო ტარიფები 2017 წლის 1 იანვრამდე მოქმედებს, ამიტომ კომპანიები ვალდებული არიან წარმოადგინონ სატარიფო განაცხადი. ჩვენ ვალდებული ვართ, მივიღოთ გადაწყვეტილება. რაც შეეხება ცვლილების მოლოდინს, თუ საუბარია კურსზე, ეს არ არის ის ცვლილება, რომელმაც შეიძლება განაპირობოს არსებითი ცვლილება ტარიფში“, - განაცხადა მილორავამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.