იმის გასარკვევად, თუ რა რეაქცია აქვთ ჩინელებს ტრამპის გამარჯვებასთან დაკავშირებით, BBC -ის ჩინეთის რედაქტორი კარი გრაციე პეკინის ქუჩებში გავიდა და ხალხის მოსაზრებებს გაეცნო.

მისი თქმით, საზოგადოება „დაყოფილი“ ჩანს. ზოგიერთი აცხადებს, რომ დონალდ ტრამპი წარმატებული ბიზნესმენი იყო და შეძლებს, რომ იყოს წარმატებული პრეზიდენტი.

საზოგადოების ის ნაწილი, რომელიც მიესალმება ტრამპის გაპრეზიდენტებას ამბობს, რომ იგი მომხიბლავი და სანიმუშო მაგალითის მიმცემია, განსაკუთრებით კი ჩინელი მამაკაცებისთვის.

სხვებს მიაჩნიათ, რომ იგი ერთი „მორიგი მდიდარი ბიჭია“ პოლიტიკური ელიტის სისტემაში. ჩინელების ეს ნაწილი არაკომფორტულად გრძნობს თავს ტრამპის შეხედულებების გამო ემიგრაციაზე და შიშობს, რომ ეს შესაძლოა, ქაოსის გამომწვევი იყოს აზიაში.