რესპუბლიკელი დონალდ ტრამპი აშშ-ის პრეზიდენტია! დიახ, ამერიკაში ქვეყნის პირველი პირი მილიარდერი ტრამპი გახდა, საქართველოში კი პირიქით, მილიარდერი ივანიშვილი პრემიერ მინისტრობიდან, ანუ "პირველი პირობიდან" ნებაყოფლობით წავიდა?! საპრეზიდენტო არჩევნებში დამარცხებული დემოკრატი ჰილარი კლინტონის საარჩევნო შტაბში ცრემლებს ვერ იკავებენ, ისე განიცდიან მარცხს, რაც აბსოლუტურად ადექვატური რეაქციაა! განსხვავებით, საქართველოს საპარლამენტო არჩევნებში დამარცხებული და დაშლილი პარტიებისაგან, რომელთა პარტიულ ოფისებში, თითქოს არაფერი მომხდარაო, - "ღიმილით გვესაუბრებიან" და განცდილ მარცხს ლამის გამარჯვებად ასაღებენ და "პარტიების განახლებაზე აქცენტირებენ" ("თავისუფალი დემოკრატები", "რესპუბლიკელები", ბურჭულაძის პარტია და სხვები!)?!
მოკლედ, საქართველოში "ყველაფერი პირიქითაა", გაიხსენეთ ისიც, თუ როგორ "ზეიმობდნენ" ნაცები აგვისტოს ომში "გამარჯვებას" და ხალხის ნაწილიც "აიყოლიეს"! დროა უკვე, რომ ყველამ, მთელმა საზოგადოებამ პოლიტიკური რეალობა ადექვატურად აღვიქვათ, თორემ საბოლოოდ "წავიტეხთ კისერს"!.. ამერიკის საპრეზიდენტო არჩევნებთან დაკავშირებითაც, ისეთი დამოკიდებულება იყო ქართულ პოლიტიკურ სპექტრში და ზოგადად ქართულ საზოგადოებაში, რომ თუ კლინტონი ვერ გაიმარჯვებდა, მაშინ რაღაც საშინელება მოხდებოდა ჩვენს თავს?! აი, ეს არის სწორედ პოლიტიკური სნობიზმი, რომელიც "ესაზღვრება" პოლიტიკურ პროვინციალიზმს, რითაც გაჯერებულია ქართული პოლიტიკური "ელიტა", რაც პირდაპირ აისახება ქვეყნის მდგომარეობაზე!.. დავუბრუნდეთ ამერიკას...
გამარჯვებულმა დონალდ ტრამპმა, როდესაც ამერიკელებს მიმართა და მადლობა გადაუხადა მათ მხარდაჭერისთვის, იქვე განაცხადა, რომ მისი პრეზიდენტობის დროს ამერიკა, - "კონფლიქტების ძებნას კი არ დაიწყებს, არამედ პარტნიორობას სთავაზობს ყველას, ამ კონფლიქტების გადასაწყვეტად"! აქვე გეტყვით, რომ რუსეთის პრეზიდენტმა პუტინმა ტრამპის გაპრეზიდენტებასთან დაკავშირებით განაცხადა, რომ - "ტრამპთან ერთად შეძლებს ამერიკა-რუსეთის ურთიერთობების გამოყვანას კრიზისული მდგომარეობიდან"!.. აი, ამაზე უნდა იფიქროს და შესაბამისად იმოქმედოს საქართველოს ხელისუფლებამ, რაც უშუალოდ საქართველოს სასიცოცხლო მნიშვნელობის საკითხებს შეეხება, და არა იმაზე, თუ როგორი "გლობალური შედეგები მოჰყვება ტრამპის გაპრეზიდენტებას"!?
ამისათვის კი საჭიროა, რომ საქართველოს ხელისუფლებამ აშშ-ის ახალი პრეზიდენტის ადმინისტრაციას დროულად წარუდგინოს წინადადებების პაკეტი, რომელიც ჩვენი პრობლემების მოგვარებას შეეხება, რათა ამერიკა-რუსეთის მომავალ (სავარაუდოდ, 2017 წლის გაზაფხული) უმაღლესი დონის შეხვედრაზე მოხდეს მისი განხილვა! ტრამპის გაპრეზიდენტება საქართველოს უქმნის ახალ შესაძლებლობას, რომ ჩვენი დარღვეული ტერიტორიული მთლიანობა კვლავ აშშ-რუსეთის დიალოგის დღის წესრიგის საკითხი გახდეს. იმ შემთხვევაში, თუ ტრამპი-პუტინის პირადი ურთიერთობა პოზიტიურად წარიმართება, მაშინ ეს დადებითად აისახება საქართველოს პრობლემების მოგვარებაზეც!..
განა საკამათოა ის, რომ ამერიკა-რუსეთის პოლიტიკურმა დაპირისპირებამ საქართველოს პრობლემები ვერ გადაწყვიტა და მეტიც, - ჩიხში შეიყვანა!.. ამიტომ, ქართველები უნდა მოვემზადოთ იმისთვის, რომ ამერიკა-რუსეთის ურთიერთობების გაუმჯობესების შემთხვევაში, საქართველომ "კი არ იზარალოს უფრო მეტად", არამედ შესაძლებელი გახდეს ჩვენი პრობლემების დადებითად გადაწყვეტა! მიმაჩნია, რომ ტრამპი-პუტინის მომავალი დიალოგი საქართველოსთვის ახალ პერსპექტივას აჩენს და ჩვენი ქვეყნის პოლიტიკურმა ხელმძღვანელობამ ეს უნდა "კარგად გააცნობიეროს"!!!..
ჯუმბერ კირვალიძე,
პოლიტოლოგი
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.