შეერთებული შტატების პრეზიდენტად დონალდ ტრამპის არჩევას პროტესტით შეხვდა ასეულობით სტუდენტი. ოთხშაბათს 1 500-მდე სტუდენტმა და მათმა მასწავლებლებმა, სან-ფრანცისკო ბეის მიმდებარედ - ქალაქში, რომელიც ცნობილია მისი ლიბერალური პოლიტიკით - ბერკლის უმაღლესი სკოლის ეზოში მიტინგი გამართა, რის შემდეგაც სტუდენტთა და პედაგოგთა მრავალრიცხოვანი ჯგუფი კალიფორნიის ბერკლის უნივერსიტეტის კამპუსისკენ გაემართა. ამის შესახებ „როიტერსი“ წერს.

უმაღლესი სკოლებისა და კოლეჯების ასეულობით სტუდენტმა საპროტესტო მსვლელობები მოაწყო ასევე სიეტლში, ფოენიქსში, ლოს ანჟელესში და ყურის მიმდებარე სხვა ქალაქებში - ოკლანდში, რიჩნმონდსა და ელ კერიტოში.

უმაღლესი სკოლის დაახლოებით 300-მა სტუდენტმა, რომელთა უმრავლესობასაც ლათინო- ამერიკელები შეადგენდა, ლოს ანჟელესში სასწავლო ოთახები მიატოვა და ქალაქში ხანმოკლე, მაგრამ ბობოქარი მსვლელობა და მიტინგი მოაწყო.

ჯგუფის წევრებს, რომლებიც ესპანურად გაიძახოდნენ - „ერთად მდგომი და გაერთიანებული ადამიანები ვერასოდეს იქნებიან დამარცხებულნი“, ასეთი სლოგანები ეკავათ: „არა რასიზმის მხარდაჭერას, არა ჩემი პრეზიდენტი“ და „ემიგრანტები ხდიან ამერიკას დიადს“.

სკლის ოფიციოზის თქმით, ამ სტუდენტებიდან ბევრი „მეოცნებეთა“ თაობის წევრები არიან, ბავშვები, რომელთა მშობლებიც შეერთებულ შტატებში მათთან ერთად უკანონოდ შევიდნენ და რომელთაც აქვთ შიში დეპორტაციისა, ტრამპის ადმინისტრაციის ქვეშ.

„ბავშვები არ უნდა ცხოვრობდნენ შიშის ქვეშ, რომ ისინი დეპორტირებული იქნებიან“, - განაცხადა სტეფანი ჰიპოლიტომ, სტუდენტური მსვლელობის ერთ-ერთმა ორგანიზატორმა. მან თქვა, რომ მისი მშობლები შეერთებული შტატების მოქალაქეები არიან.

ძალადობის და დაპატიმრებების შესახებ ინფორმაცია ჯერჯერობით არ გავრცელებულა.

სტუდენტური დემონსტრაციები სან ფრაცისკოს მიმდებარედ და ქვეყნის სხვა ადგილებში ტრამპის ჰილარი კლინტონზე გამარჯვების საწინააღმდეგოდ გამართულ საპროტესტო გამოსვლებს მოჰყვა.

დემონსტრანტებმა მაღაზიების წინა მინები ჩაამსხვრიეს და ოკლანდის ცენტრში, სამშაბათს, გვიან ღამით, ნაგვის ურნებსა და საბურავებს ცეცხლი წაუკიდეს.