ამერიკის შეერთებული შტატების ყოფილმა სახელმწიფო მდივანმა მადლენ ოლბრაიტმა, რომელიც პოსტზე ბილ კლინტონის მე-2 ვადით პრეზიდენტობისას მსახურობდა და ამ თანამდებობაზე მოღვაწე პირველი ქალი იყო, გააფრთხილა ტრამპი იზოლაციონალიზმის წინააღმდეგ, უთხრა რა მას, რომ შეერთებულმა შტატებმა თავისი როლი უნდა ითამაშოს ჩრდილო ატლანტიკურ ალიანსში.

„Nato, აშკარაა, რომ უმთავრესია. ჩვენ პასუხისმგებლები ვართ ერთმანეთის წინაშე - ორი მიმართულების ქუჩა“, განუცხადა ოლბრაითმა ბრიტანულ „გარდიანს“ ოთხშაბათს მიცემულ ინტერვიუში.

ტრამპმა ივლისში, ბევრში გამოიწვია შეშფოთება, როცა რესპუბლიკელების ეროვნულ ყრილობაზე, სადაც მან თანხმობა განაცხადა პრეზიდენტობის კანდიდატობაზე, თქვა, რომ შეერთებულმა შტატებმა შეიძლება არ დაიცვას ალიანსის სხვა წევრები, თუკი ისინი არ გაიღებენ სამხედრო ხარჯებისთვის საკმარის თანხებს და ნართაულად გადაჰკრა სიტყვა, რომ მან შესაძლოა გამოიყვანოს მსოფლიოს ყველა წერტილიდან შეერთებული შტატების ძალები. ნატო-ს სიძლიერის და გლობალური უსაფრთხოების ქვაკუთხედს ის ხელშეკრულება წარმოადგენს, რომ ერთ წევრზე თავდასხმა ნიშნავს ყველა სხვა დანარჩენ წევრზე თავდასხმას.

„შეერთებული შტატები ჩართული უნდა იყოს საზღვარგარეთ. თუ ჩვენ არ ვიქნებთ ჩაბმული, მაშინ სისტემა საერთოდ არ იმუშავებს, ან, უფრო მეტიც, არ მოხერხდება ახალი სისტემის შექმნა“, - თქვა მადლენ ოლბრაითმა.