ტრამპი, როგორც ჩანს მისი ზოგიერთი წინასაარჩევნო აღთქმების უკან წაღებას აპირებს. მაშინ როცა იგი პრეზიდენტ ბარაქ ობამას ჯანდაცვის კანონის, რომელსაც მეტსახელად „ობამადაცვა“ შეარქვეს, სანაგვეზე მოსროლის დაპირებას იძლეოდა, ახლა იგი ამბობს, რომ გახსნილია ხელუხლებლად დატოვოს აღნიშნული აქტის უმთავრესი ნაწილები.

the Wall Street Journal -ის მიერ დასმული შეკითხვის - განახორციელებდა თუ არა მის დაპირებას სპეციალური პროკურორის დანიშვნაზე, რომელიც გამოიძიებდა ქალბატონი კლინტონის მიერ სახელმწიფო მდივნობისას კერძო ელექტრონული წერილების სერვერის გამოყენებას -საპასუხოდ ტრამპმა მის უმთავრეს პრიორიტეტებად ჯანდაცვა, სამუშაო ადგილები, საზღვრის კონტროლი და საგადასახადო რეფორმები დაასახელა.

„რესპუბლიკელი“ დონალ ტრამპი პრეზიდენტის ფიცს 20 იანვარს დადებს და ჩაანაცვლებს „დემოკრატ“ ბარაქ ობამას, რომელიც პრეზიდენტობის მე-2 ვადას დაასრულებს.

შეერთებული შტატების 8 ნოემბრის საპრეზიდენტო არჩევნებში ტრამპს 60.3 მილიონმა ადამიანმა დაუჭირა მხარი, ნაკლებმა ვიდრე ჰილარი კლინტონს, რომელმაც 60.8 მილიონმა ამომრჩეველმა გამოუცხადა ნდობა. მაგრამ ტრამპის მაღალმა შედეგებმა უმთავრეს საარჩევნო ბრძოლის ველად ქცეულ შტატებში, მათ შორის მიჩიგანში, განაპირობა მისი უპირატესობა ხმების რაოდენობის მიხედვით საარჩევნო კოლეგიაში, რომელიც საბოლოოდ ირჩევს პრეზიდენტს. 

ჰილარი კლინტონი, რომელიც ობამას ადმინისტრაციაში სახელმწიფო მდივნის თანამდებობაზე 2009-იდან 2013 წლამდე მსახურობდა, არჩევნებში დამარცხების შემდეგ საჯაროდ მხოლოდ ერთხელ, ოთხშაბათს, გამოჩნდა.