არგენტინაში ჩამოვარდნილ ვერტმფრენში მყოფი ათივე ადამიანი, მათ შორის სპორტის სამი ფრანგი ვარსკვლავი ადგილზევე გარდაიცვალა, რასაც საფრანგეთის პრეზიდენტის ოფისი ადასტურებს. ინფორმაციას ამის შესახებ BBC ავრცელებს.

8 ფრანგი ეროვნების ადამიანი და ორი არგენტინელი პილოტი ორი ვერტმფრენის შეჯახების შედეგად ქვეყნის ჩრდილო-დასავლეთით, ბუენოს აირესიდან 1 170 კილომეტრის დაცილებით მდებარე ლა რიოხას პროვინციაში დაიღუპა.

ვერტმფრენს ფრანგული სპორტის ვარსკვლავები, ფრანგული არხის TF1 -ის ეთერისთვის ცნობილ ადამიანებზე შოუს გადასაღებად გადაჰყავდა.

შოუს სცენარი კი ასეთია: ცნობილ ადამიანებს ვერტმფრენით გადააფრენენ სახიფათო, უკაცრიელ ადგილებში და ხდება იმის გადაღება თუ როგორ დაეძებენ ისინი საკვებსა და თავშესაფარს გარე სამყაროსაგან მოწყვეტილ მხარეში.

ვერტმფრენების შეჯახების მიზეზი უცნობია. ოფიციოზის ცნობით, როცა ინციდენტი მოხდა, აღნიშნულ მთიან რეგიონში კარგი ამინდი და ხილვადობა იყო.

საპრეზიდენტო განცხადებაში ნათქვამია: "ჩვენი ფრანგი ეროვნების თანამემამულეთა მოულოდნელი სიკვდილი უსაზღვრო მწუხარებას იწვევს“.

კამილე მუფატი, 25 წლის, სამი მედლის, მათ შორის ერთი ოქროს მედლის მფლობელი. ოქროს მედლის გამარჯვებული იგი 400 მეტრ მანძილზე თავისუფალ ცურვაში, 2012 წელს ლონდონის ოლიმპიადაზე გახდა.

ალექსის ვასტინე, 28 წლის, 2008 წლის პეკინის ოლიმპიადის ბრინჯაოს მედლის მფლობელი ბოქსში, მსუბუქ წონით კატეგორიაში. იგი ძალიან მცირე სხვაობით იქნა დამარცხებული მეოთხედფინალში 2012 წლის ლონდონის ოლიმპიურ თამაშებზე.

ფლორენს არტჰაუდი, 57 წლის, დიდად წარმატებული მეზღვაური, 1990 წლის როტე დუ რამის პრესტიჟული სოლო ატლანტიკის გამარჯვებული. 17 წლის ასაკში, სერიოზული ავტოსაგზაო შემთხვევის გამო იგი ერთხანს კომაში იმყოფებოდა.