საქართველოს პრეზიდენტის ადმინისტრაციის უფროსის, გიორგი აბაშიშვილის განცხადებით, გიორგი მარგველაშვილი მე-9 მოწვევის პარლამენტის გახსნისას "არაერთ საინტერესო ინიციატივაზე" ისაუბრებს.
„საქართველოს პრეზიდენტი გახსნის მე-9 მოწვევის პარლამენტის სხდომას. დაგეგმილია პრეზიდენტის სიტყვით გამოსვლა, რომელიც თვისობრივად იქნება განსხვავებული პრეზიდენტის ყოველწლიური მიმართვებისგან. გახსნით სხდომაზე საქართველოს პრეზიდენტი ისაუბრებს არა ერთ საინტერესო ინიციატივაზე და ამავდროულად, ისაუბრებს საქართველოს პარლამენტთან თანამშრომლობის ახალ ფორმატებზე,“ - განაცხადა გიორგი აბაშიშვილმა.
მარგველაშვილმა ხელი მოაწერა მეცხრე მოწვევის პარლამენტის პირველი სხდომის დანიშვნის სამართლებრივ აქტს, რომლის მიხედვითაც, სხდომა 18 ნოემბერს, 12:00 საათზე გაიმართება.
"პარლამენტის პირველი სხდომის დანიშვნის თარიღთან დაკავშირებით პრეზიდენტის ადმინისტრაცია რამდენიმე დღის განმავლობაში, ყველა მხარესთან კონსულტაციებს მართავდა, რის საფუძველზეც პრეზიდენტმა შესაბამისი განკარგულება დღეს გამოსცა", - აღნიშნულია ინფორმაციაში, რომელიც დღეს პრეზიდენტის ადმინისტრაციამ გაავრცელა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.