შეერთებული შტატების პრეზიდენტმა, ბარაქ ობამამ და მისმა რუსმა კოლეგამ, ვლადიმერ პუტინმა პერუს დედაქალაქ ლიმაში, აზია-წყნარი ოკეანის ეკონომიკური თანამშრომლობის (Apec) სამიტის ფარგლებში გამართულ, დაახლოებით 4-წუთიან შეხვედრაზე, რომელიც მოსალოდნელია, რომ მათი საბოლოო შეხვედრა იქნება, სანამ ობამა თეთრ სახლს დატოვებს, სირიის და უკრაინის შესახებ ისაუბრეს.

სააგენტო „როიტერსის“ ცნობით, ობამა და პუტინი ლიმაში სამიტის დაწყებამდე შეხვდნენ.

მოგვიანებით ობამამ პრესკონფერენციაზე განაცხადა, რომ მან პუტინს უთხრა, რომ შეერთებული შტატები ღრმად არის შეშფოთებული სირიაში სისხლისღვრისა და ქაოსის, სირიული და რუსული სამხედრო ძალების „გაუთავებელი დაბომბვებისა და თავდასხმების“ გამო და ცეცხლის შეწყვეტა და პოლიტიკური ძალაუფლების გადაცემის საჭიროებაა.

„როგორც ყოველთვის, მე ვიყავი გულწრფელი და თავაზიანი, მაგრამ ძალიან მკაფიო იმის შესახებ, რომ გაგვაჩნია მძლავრი განსხვავებულობა პოლიტიკაზე“, -თქვა ობამამ.

ცალკე ჩატარებულ პრესკონფერენციაზე პუტინმა განაცხადა, რომ მან „წლების განმავლობაში ერთობლივი მუშაობისათვის“ მადლობა გადაუხადა ობამას, მასთან ლიმაში შეხვედრისას.

„მე ვუთხარი მას, რომ მოხარული ვიქნებით ვიხილოთ იგი (ობამა) რუსეთში ნებისმიერ დროს, როცა მას ეს ენდომება, მოესურვება და როცა იგი ამას შეძლებს“, - განაცხადა პუტინმა.