შეერთებული შტატების არჩეული პრეზიდენტი დონალდ ტრამპი, The New York Times-ის ჟურნალისტებს შეხვდება, - განაცხადა მისმა წარმომადგენელმა რამდენიმე საათის შემდეგ, რაც ტრამპმა „თვითერზე“ დაწერა, რომ იგი გაზეთთან შეხვედრას მათი „საძაგელი ტონის“ გამო აუქმებდა.

ტრამპს დაგეგმილი ჰქონდა The New York Times შენობაში მისვლა, უთხრა მისმა წარმომადგენელმა ჰოუპ ჰიკსმა ჟურნალისტებს, თუმცა დეტალები არ დაუკონკრეტებია. როგორც „როიტერსი“ წერს, უფრო ადრე, არჩეულმა პრეზიდენტმა „თვითერზე“ დაწერა, რომ მან გააუქმა შეხვედრა მას შემდეგ, რაც გაზეთი ცდილობდა შეთანხმებული პირობების შეცვლას. The New York Times-მა განაცხადა, რომ პირობები არა მათ, არამედ ტრამპმა შეცვალა, რომელსაც უნდოდა მთელი შეხვედრა ჩაწერის გარეშე წარმართულიყო.

„ისინი განაგრძობენ ჩემს გაშუქებას არაზუსტად და საძაგელი ტონით“, დაწერა ტრამპმა „თვითერზე“.