ივანე ჯავახიშვილის თბილისის სახელმწიფო უნივერსიტეტის ჟურნალისტიკის ფაკულტეტის სტუდენტთა ერთი ნაწილი „აუდიტორია 115“-ის წევრებს მე-6 კორპუსის შენობის დატოვებისკენ მოუწოდებს.

სტუდენტების თქმით, მათ და "აუდიტორია 115"-ის წევრებს გარკვეული მიმართულებით, საერთო ინტერესიც გააჩნიათ, თუმცა, ამის მიუხედავად, მიიჩნევენ, რომ პროტესტის ფორმა, რომელსაც "აუდიტორია 115" მიმართავს, მიუღებელია.

"ასე შეჭრა და კონკრეტული კორპუსის პიკეტირება, რომელშიც სტუდენტები სწავლობენ, არავინ რომ არ გვეკითხება აზრს ჩვენ - სად წავალთ, რას გავაკეთებთ და ა.შ. არის, ჩემი აზრით, არასწორი", - აცხადებს თსუ-ის ჟურნალისტიკის ფაკულტეტის სტუდენტი ნინო ტაბაღუა.

უნივერსიტეტის მე-6 კორპუსის პიკეტირება მე-5 დღეა გრძელდება. "აუდიტორია 115" წევრები აცხადებენ, რომ ტერიტორიის დატოვებას არ აპირებენ.