ცნობილი ასტრონავტი, ბაზ ალდრინი, სამედიცინო მიზეზების გამო სამხრეთ პოლუსიდან იქნა ევაკუირებული და იგი ახალი ზელანდიის მახლობლად სამკურნალოდ იქნება გადაყვანილი. აღნიშნულ ინფორმაციას „ეროვნული მეცნიერების საზოგადოება“ ავრცელებს.

„ეროვნული მეცნიერების საზოგადოებამ“, რომელიც უზრუნველყოფს მის საჰაერო გადაყვანას, განაცხადა, რომ ალდრინის ტრანსპორტირება ანტარქტიდიდან ახალ ზელანდიაში „რაც შეიძლება მალე“, ნიუ იორკის საჰაერო ნაციონალური დაცვის თვითმფრინავით მოხდება.

სამხრეთ პოლუსიდან მისი ანტარქტიდის ბაზაზე, მაკმურდოზე, ევაკუაციისას ალდრინის ჯანმრთელობის მდგომარეობა „სტაბილური“ იყო. იგი შეერთებული შტატების ანტარქტიდის პროგრამის კვლევის ცენტრს ტურისტულ ჯგუფთან ერთად სტუმრობდა.

ალდრინი, რომელიც 86 წლისაა, მეორე მამაკაცი იყო, რომელმაც 1969 წელს „აპოლოს“ 11-კაციანი ექსპედიაციისას მთვარეზე გაიარა.