ნატო-ს საგარეო საქმეთა მინისტერიალის ფარგლებში, საქართველოს საგარეო საქმეთა მინისტრი მიხეილ ჯანელიძე ბულგარელ კოლეგას შეხვდა.
მიხეილ ჯანელიძემ და დანიელ მიტოვმა ორ ქვეყანას შორის არსებული პარტნიორული და მეგობრული ურთიერთობები დაადასტურეს.
"ბულგარეთს საგარეო საქმეთა მინისტრმა კიდევ ერთხელ დაუდასტურა ქართველ კოლეგას ბულგარეთის მხარდაჭერა ქვეყნის ევროპული და ევრო-ატლანტიკური მისწრაფებების პროცესში. მან ასევე ხაზი გაუსვა ბულგარეთის პოზიციას საქართველოსთვის ვიზალიბერალიზაციის დროულად მინიჭების აუცილებლობაზე და გამოთქვა მზადყოფნა ბულგარეთის მხრიდან ხელი შეუწყოს პროცესის დროულ წარმართვას.
მინისტრებმა ისაუბრეს ნატო-ს ფარგლებში თანამშრომლობის საკითხებზე, მიხეილ ჯანელიძემ მადლობა გადაუხადა ბულგარელ კოლეგას საქართველოს თავდაცვისუნარიანობის განმტკიცების საქმეში ბულგარეთის მიერ გაწეული პრაქტიკული დახმარებისთვის. საქართველოს საგარეო საქმეთა მინისტრი მიესალმა მომავალ წელს საქართველოში ნატო-ს საკონტაქტო საელჩოს ფუნქციის ბულგარეთის მიერ შესრულებას და იმედი გამოთქვა, რომ ეს ახალ დინამიკას შესძენს ნატო-ს ფარგლებში ორი ქვეყნის თანამშრომლობას.
მინისტრებმა ასევე მიმოიხილეს შავი ზღვის რეგიონში შექმნილი უსაფრთხოების გარემო, საუბარი შეეხო საქართველოს ოკუპირებულ რეგიონებში არსებულ ვითარებას.
მიხეილ ჯანელიძემ და დანიელ მიტოვმა დაადასტურეს მზადყოფნა ხელი შეუწყონ ორი ქვეყნის ურთიერთობების შემდგომ განვითარებას, განსაკუთრებით იმ მაღალი პოტენციალის გათვალისწინებით, რაც არსებობს საერთაშორისო სატრანსპორტო მიმართულებით თანამშრომლობის კუთხით, ასევე ვაჭრობის, ტურიზმისა და კულტურის სფეროებში", - აღნიშნულია საქართველოს საგარეო უწყების მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.