შეერთებული შტატების არჩეული პრეზიდენტი დონალდ ტრამპი ჟურნალ „თაიმის“ 2016 წლის ადამიანად დასახელდა. ამ ტიტულის მინიჭება კი ჟურნალის მიერ წელს 90-ედ მოხდა. 

უძრავი ქონების მაგნატისთვის აღნიშნული ტიტულის მინიჭება ნოემბრის საპრეზიდენტო არჩევნებში ჰილარი კლინტონზე მოულოდნელი გამარჯვების მოპოვებას მოჰყვა.

ტრამპმა ამ ამბის გამოცხადებიდან მალევე NBC-ს განუცხადა, რომ ეს იყო „დიდი პატივი“, რაც მისთვის „ბევრს ნიშნავს“.

იგი სიის მცირე შემადგენლობიდან აირჩიეს, რომელშიც ჰილარი კლინტონი და რუსეთის პრეზიდენტი ვლადიმერ პუტინიც შედიოდნენ.

დიდი ბრიტანეთის „დამოუკიდებლობის პარტიის“ ყოფილი ლიდერი, ნაიჯელ ფარაჯი ასევე შეყვანილი იყო სიაში მისი ბრიტანეთის ევროკავშირის დატოვების შესახებ წარმატებით წარმოებული კამპანიის გამო.

კლინტონი შერჩევისას მეორე ადგილზე გავიდა, - განაცხადა „თაიმის“ რედაქტორმა ნენსი გიბსმა და დაამატა, რომ ტრამპის არჩევა „პატიოსნად“ მოხდა.

ჟურნალი მკითხველებს პატიჟებს რომ ხმა მისცენ მას ვისზეც თავად ფიქრობენ, რომ ამ ტიტულს იმსახურებენ, მაგრამ საბოლოო გადაწყვეტილებას რედაქტორები იღებენ.

2013 წელს წლის ადამიანის ტიტული პაპ ფრანცისკეს მიენიჭა, 2007 წელს რუსეთის პრეზიდენტს ვლადიმერ პუტინს, 1963 წელს ამერიკის სამოქალაქო აქტივისტს, მარტინ ლუთერ კინგს, 1938 წელს კი ადოლფ ჰიტლერს.