მაღალმთიან აჭარაში დიდთოვლობაა. ხულოს მუნიციპალიტეტის გამგეობის ცნობით, თოვლის საფარმა გოდერძის უღელტეხილზე 180 სმ-ს, მაღალი ზონის სოფლებში 150 სმ-ს, ხოლო დაბლობში 1 მეტრს მიაღწია.
"თოვლმა შეფერხებები შექმნა საავტომობილო მიმოსვლასთან და ელექტროენერგიის მიწოდებასთან დაკავშირებით. ამ დროისათვის ელექტორენერგიის გარეშე დარჩენილია ფუშრუკაულის, სხალთის, ვაშლოვანის და დეკანაშვილების ადმინისტრაციულ ერთეულში შემავალი რამდენიმე სოფელი, სადაც მიმდინარეობს სამუშაოები და ელექტროენერგიის მიწოდება მალე აღდგება. პარალელურად, დაწყებულია გზის გაწმენდითი სამუშაოებიც. ამ დროისათვის ღორჯომის, ხიხაძირის და ვაშლოვანის მიმართულებით მუშაობს აჭარის საავტომობილო გზებისა და სამელიორაციო სისტემების მართვის დეპარტამენტის ხულოს წარმომადგენლობის 7 ერთეული მძიმე ტექნიკა. დღის მეორე ნახევარში მათ შეუერთდება კიდევ 8 ერთეული ტექნიკა და გზები დანარჩენ სოფლებშიც პერიოდულად გაიწმინდება", - აცხადებენ ხულოს მუნიციპალიტეტის გამგეობაში.
თოვლის მიუხედავად, ვითარება სტაბილურია ქედის მუნიციპალიტეტში. გამგეობაში აცხადებენ, რომ თოვლს მნიშვნელოვანი პრობლემები არ შეუქმნია.
"თოვლის საფარმა დაბლობში 5 სმ-ით, ხოლო მაღალ სოფლებში 40 სმ-ით მოიმატა. ამ დროისთვის გადაადგილება ორხიდიანი ავტომობილებით თითქმის ყველა მიმართულებითაა შესაძლებელი. გუშინ ამინდის გამოსვლისთანავე გაიწმინდა სოფელ დოხოძეებში საავტომობილო გზა, სადაც მეწყერის შედეგად 9 ოჯახთან მისასვლელი გზა იყო ჩაკეტილი. ქედის საგზაო წარმომადგენლობამ დილიდან უკვე დაიწყო გაწმენდითი სამუშაოები, ამ დროისთვის 4 მიმართულება იწმინდება. რაც შეეხება ელექტროენერგიის მიწოდებას, შუქი არ მიეწოდება მერისისა და დანდალოს მთლიან ადმინისტრაციულ ერთეულებს, წონიარისის 3 სოფელს და ცხმორისის 2 სოფელს. მობილიზებულია მობილური ჯგუფები და მიმდინარეობს აღდგენითი სამუშაოები. სასწავლო პროცესი კონტიგენტის გამოუცხადებლობის გამო შეწყდა სოფელ ჯალაბაშვილების არასრულ სკოლაში, რაც შეეხება საბავშვო ბაღებს, ასევე აღსაზრდელების გამოუცხადებლობის გამო სასწავლო პროცესი არ შედგა 5 საბავშვო ბაღში", - აცხადებენ ქედის გამგეობაში.
რაც შეეხება შუახევის მუნიციპალიტეტს, აქ თოვლის საფარმა დაბალ ზონაში 30-50 სმ-ს, მაღალი ზონის სოფლებში კი 120-140 სმ-ს მიაღწია.
"საავტომობილო გზებზე მოძრაობა შეჩერებულია. ორხიდიანი ავტოტრანსპორტის გადაადგილება შესაძლებელია ადმინისტრაციული ერთეულების ცენტრებამდე. ბათუმი-ახალციხის საავტომობილო გზის შუახევის მონაკვეთზე მოძრაობა შესაძლებელია. ღამით კვლავ დაზიანდა ელექტრომეურნეობა და დენი მუნიციპალიტეტს ღამით საათებში წყვეტილად მიეწოდებოდა. ამჟამად ელექტროენერგია არ მიეწოდება ბარათაულის, ჭვანის, წყალსაყრის, ოლადაურის, უჩამბის, ნაწილობრივ შუახევის ადმინისტრაციული ერთეულების სოფლებს. მუშაობს საჯარო სკოლების დიდი ნაწილი, სახელმწიფო დაწესებულებები, მოსახლეობა უზრუნველყოფილია სათბობით. სააღმზრდელო დაწესებულებიდან მუშაობს მხოლოდ დაბისა და ჭვანის ბაგა-ბაღები. საგანგებო შტაბი 24-საათიან რეჟიმში კვლავ აგრძელებს მუშაობას. ყველა სიტუაცია კონტროლზეა", - აცხადებენ შუახევის მუნიციპალიტეტის გამგეობაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.