თბილისის პარლამენტის შენობასთან საპროტესტო აქციის მიმდინარეობისას, გიგა ბოკერიას გამოჩენას ფიზიკური დაპირისპირება მოჰყვა.

სამართალდამცველებმა „თავისუფალი თაობის“ რამდენიმე წევრი, მათ შორის ორგანიზაციის ლიდერი ლადო სადღობელაშვილი დააკავეს.

ორგანიზაციების „თავისუფალი ზონის“, „დროა“-ს და „აპრიორის“ წარმომადგენლები, პარალელურად, თბილისის პარლამენტის შენობასთან საწინააღმდეგო მოთხოვნებით საპროტესტო აქციას მართავენ.

დღეს, თბილისის პარლამენტში, დარგობრივი ეკონომიკისა და ეკონომიკური პოლიტიკის კომიტეტში ეკონომიკური ბლოკის მინისტრებს უნდა მოუსმინონ. 

აქციის მონაწილეები აცხადებენ, რომ ისინი მთავრობის წევრებს პარლამენტში არ შეუშვებენ, რადგან მათი თქმით, მსგავსი შეკრებები ქუთაისის პარლამენტის შენობაში უნდა იმართებოდეს.

ისინი მთავრობის გადადგომასაც ითხოვენ, რადგან მათი განცხადებით, მთავრობის ეკონომიკური გუნდი ცუდად მუშაობს.