ნიუჯერსის შტატში ავტოავარიის შედეგად დაღუპული ამერიკის შეერთებული შტატების საზღვაო თავდაცვის აკადემიის ორი ქართველი კურსანტი, რიგითები - სოსო მაკარიძე და ბესარიონ გორჯოლაძე სამშობლოში ჩამოასვენეს.
თბილისის საერთაშორისო აეროპორტში სამხედრო ცერემონიას საქართველოს თავდაცვის მინისტრის მოადგილეები გოჩა რატიანი და ლევან ღირსიაშვილი, ასევე გენერალური შტაბის უფროსი, გენერალ-მაიორი ვახტანგ კაპანაძე და მისი მოადგილეები დაესწრნენ.
აეროპორტში ასევე იმყოფებოდნენ დაღუპულთა ოჯახის წევრები და ახლობლები. ჩამოსვენების პროცესს დავით აღმაშენებლის სახელობის საქართველოს ეროვნული თავდაცვის აკადემიის რექტორი, პოლკოვნიკი ირაკლი გეგეჭკორი, აკადემიის სხვა ხელმძღვანელი პირები და იუნკრები დაესწრნენ.
ბორტს, რომლითაც საქართველოში დაღუპული სამხედროების ცხედრები ჩამოასვენეს, ამერიკის შეერთებული შტატების საზღვაო აკადემიის მეთაურის მოადგილე, კაპიტანი მეთ ბარკერი, ამერიკის შეერთებულ შტატებში საქართველოს თავდაცვის ატაშე, ვიცე-პოლკოვნიკი ვეფხია ყალაბაშვილი, კურსანტების ჯგუფელები, რიგითები - გიორგი ტალახაძე და ელდარ საგანელიძე, ასევე ამერიკელი მეგობრები ჩამოჰყვნენ. სამგლოვიარო ცერემონიაზე იმყოფებოდა ეროვნული გვარდიის საპატიო ყარაული და სამხედრო საჩვენებელი ორკესტრი, რომელმაც სამგლოვიარო მარში შეასრულა.
როგორც თავდაცვის მინისტრის მოადგილემ, გოჩა რატიანმა ჟურნალისტებს განუცხადა, დაღუპულების გადასვენება მოხდება ქაშუეთის საკათედრო ტაძარში, სადაც ხვალ, 14.00 საათზე სამოქალაქო პანაშვიდი გაიმართება. "ღრმა მწუხარება მინდა გამოვთქვა თავდაცვის სამინისტროს სახელით. ჩვენ სახალისო დახვედრისთვის ვემზადებოდით, მაგრამ მოხდა ეს ტრაგედია. ჩვენ მივაგებთ პატივს ამ ბიჭებს ისე, როგორც ქართველი ჯარისკაცი იმსახურებს", - აღნიშნა გოჩა რატიანმა.
ამერიკის შეერთებული შტატების საზღვაო თავდაცვის აკადემიის ქართველი კურსანტების სამშობლოში გადმოსვენებისა და დაკრძალვის ხარჯებს თავდაცვის სამინისტრო ფარავს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.