ახალგაზრდა ქალმა ლონდონში მას შემდეგ იმშობიარა, რაც ექიმებმა მისი ნაყოფიერება ადრეული ბავშვობის პერიოდში, 9 წლის ასაკში, მისგან ამოცლილი გაყინული საკვერცხე ქსოვილის გამოყენებით აღადგინეს.
როგორც მიიჩნევენ, 24 წლის ქალი მსოფლიოში პირველია, რომელსაც ბავშვი მას შემდეგ ეყოლა, რაც საკვერცხეები სქესობრივი მოწიფულობის დადგომამდე გაუყინეს.
მოაზა ალ მატროშიმ, რომელიც დუბაიდანაა და რომლის ბავშვიც გუშინ ლონდონის კერძო პორტლანდის საავადმყოფოში გაჩნდა, BBC-ის უთხრა: „ეს სასწაულს ჰგავს“.
„ჩვენ ველოდებოდით ამდენი ხნის განმავლობაში ამ შედეგს - ჯანმრთელ ბავშვს“.
მოაზამ თქვა: „ყოველთვის მჯეროდა, რომ დედა ვიქნებოდი და რომ მეყოლებოდა ბავშვი.
„არ მომიცილებია იმედი და ახლა მე მყავს ეს ბავშვი - ეს შესანიშნავი გრძნობაა“.
მან ასევე მადლობა გადაუხადა დედამისს, რომლის იდეაც იყო შეენახა ქალიშვილის საკვერცხე ქსოვილი, რომ მას მისცემოდა შესაძლებლობა მომავალში, ჰყოლოდა ოჯახი.
მისმა ექიმმა, სარა მათეუსმა, კონსულტანტმა გინეკოლოგიის და ნაყოფიერების დარგში, განაცხადა, რომ იგი უკიდეგანოდაა გახარებული ოჯახის ბედნიერებით - და აღტაცებულია იმედით, რასაც ეს ამბავი სხვებსაც უჩენს.
„ეს არის უზარმაზარი წინ გადადგმული ნაბიჯი. ჩვენ ვიცით, რომ საკვერცხე ქსოვილის ტრანსპლანტაცია უფრო ასაკში მყოფ ქალებზე მუშაობს, მაგრამ ჩვენ არასოდეს ვიცოდით, რომ შესაძლებელი იყო ქსოვილის ამოცლა ბავშვისთვის, მისი გაყინვა და შემდეგ მისი კვლავ მოქმედებაში მოყვანა“.
ექიმები აცხადებენ, რომ ეს იმედს მისცემს ბევრ სხვა გოგოს და ახალგაზრდა ქალებს, რომლებიც კიბოზე, სისხლისა და იმუნურ მოშლილობაზე მკურნალობის შედეგად დედობის დაკარგვის საფრთხის ქვეშ არიან.
ექიმმა სარა მათეუსმა, რომელმაც ჩაატარა ნაყოფიერებაზე მკურნალობა, განაცხადა: „მისი საკვერცხე ქსოვილის რეპლანტაციის შემდეგ სამ თვეში, მოაზა მენოპაუზური მდგომარეობიდან გადავიდა ისეთ მდგომარეობაში, რომ კვლავ რეგულარული მენსტრუაცია ჰქონდა.
„იგი არსებითად 20 წელს გადაცილების შემდეგ ნორმალური ქალი გახდა, საკვერცხეების ნორმალური ფუნქციონირებით“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.