შეერთებული შტატების არჩეულმა პრეზიდენტმა, დონალდ ტრამპმა იურისტი დევიდ ფრიდმანი ისრაელში ამერიკის ელჩის თანამდებობაზე შეარჩია. ამის შესახებ BBC წერს.
57 წლის ფრიდმანი საპრეზიდენტო კამპანიისას ტრამპის მრჩეველი იყო ამერიკა-ისრაელის საკითხებზე.
არჩეული პრეზიდენტის გარდამავალი გუნდის მიერ გავრცელებულ განცხადებაში ნათქვამია, რომ ფრიდმანის „ისრაელთან მჭიდრო და ძლიერი ურთიერთობები მისი დიპლომატიური მისიის საფუძველს ჩამოაყალიბებს“.
ფრიდმანმა განაცხადა, რომ მოუთმენლად ელოდება მუშაობის შედგომას „შეერთებული შტატების საელჩოდან, ისრაელის სამარადისო დედაქალაქ იერუსალიმში“, - ნაბიჯი რომელიც პალესტინელების სიბრაზეს გამოიწვევს, რადგან ისინი აღმოსავლეთ იერუსალიმს უყურებენ, როგორც მათი სუვერენული ტერიტორიის ნაწილს.
გაერო არ აღიარებს იერუსალიმს ისრაელის დედაქალაქად, და შეერთებული შტატების საელჩო ათწლეულებია რაც თელ-ავივში მდებარეობს. მაგრამ ტრამპმა კამპანიის დროს პირობა დადო, რომ მას იერუსალიმში გადაიტანდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.