ენერგეტიკისა და წყალმომარაგების მარეგულირებელმა ეროვნულმა კომისიამ თბოელექტროსადგურებისთვის ელექტროენერგიის წარმოების 2017 წლის ტარიფები გაზარდა.

აღნიშნული გადაწყვეტილება კომისიამ დღევანდელ სხდომაზე მიიღო.

სემეკ-ის გადაწყვეტილებით, ,,გარდაბნის თბოელექტროსადგურისთვის” დღგ-ს გარეშე 2016 წლის ელექტროენერგიის წარმოების ტარიფის ზედა ზღვარი იყო 1კვტ/სთ - 6.659 თეთრი, ხოლო 2017 წელს იქნება - 9.056 თეთრი.

შპს "ჯიფაუერისთვის”, დღგ-ს გარეშე, 2016 წლის ელექტროენერგიის წარმოების ტარიფის ზედა ზღვარი იყო 1 კვტ/სთ - 8.460 თეთრი, ხოლო 2017 წელს იქნება - 14.120 თეთრი.

შპს "მტკვარი ენერჯისთვის”, დღგ-ს გარეშე, 2016 წლის ელექტროენერგიის წარმოების ტარიფის ზედა ზღვარი იყო 1კვტ/სთ - 10.748 თეთრი, ხოლო 2017 წელს იქნება - 12.194 თეთრი.

შპს ,,საქართველოს საერთაშორისო ენერგეტიკული კორპორაციისთვის”, დღგ-ს გარეშე, 2016 წლის ელექტროენერგიის წარმოების ტარიფის ზედა ზღვარი იყო 1კვტ/სთ - 11.303 თეთრი, ხოლო 2017 წელს იქნება - 14.234 თეთრი.

სემეკ-ის მიერ დადგენილი ტარიფები ძალაში 2017 წლის პირველი იანვრიდან შევა და 2017 წლის ბოლომდე იმოქმედებს.