ბანა ალაბედი - 7 წლის სირიელი გოგონა, რომელიც „თვითერზე“ მეამბოხეების მიერ დაკავებული აღმოსავლეთ ალეპოს შიგნით ცხოვრების შესახებ წერდა, თურქეთის პრეზიდენტს რეჯეფ თაიფ ერდოღანს შეხვდა.

სურათზე ბანა და მისი პატარა ძმა ერდოღანს მუხლებზე უზის. ფოტო ანკარაში საპრეზიდენტო კომპლექსშია გადაღებული.

BBC-ის ცნობით, ერდოღანმა სპეციალური წარმომადგენელი გაგზავნა სირიაში ბანასა და მისი ოჯახის გამოსაყვანად, მას შემდეგ რაც მათ აღმოსავლეთ ალეპოდან თავის დაღწევის საშუალება მიეცათ.

ბანას გასაჭირმა დღის სინათლე მას შემდეგ იხილა, რაც სექტემბერში იგი „თვითერში“ გაწევრიანდა.

სოციალურ ქსელში იგი პერიოდულად დებდა ყველაფერს, მისი მეგობრების სიკვდილიდან დაწყებული მისი მცდელობით დამთავრებული, ეცხოვრა ნორმალური ცხოვრებით.

ამ ხნის განმავლობაში „თვითერზე“ მას 325 000 მიმდევარი გაუჩნდა, მათ შორის ინგლისელი მწერალი ჯოან როულინგი, რომელმაც მას „ჰარი პოტერის“ ელექტრონული ვერსია გაუგზავნა.

ოთხშაბათს ბანამ ერდოღანთან გადაღებული ფოტო გამოაქვეყნა და დაწერა, რომ „ძალიან ბედნიერია“ პრეზიდენტთან შეხვედრით, მოკლე ვიდეოში კი ამბობს: „მადლობა ალეპოს ბავშვების მხარდაჭერისათვის და ჩვენი დახმარებისათვის, თავი დაგვეღწია ომისთვის“.

ბანას დედამ, ფატემაჰმა, რომელიც „თვითერის“ ანგარიშს მართავს, გადაწყვიტა სოციალურ ქსელში მისი შვილის დარეგისტრირება რათა ეჩვენებინა „თუ რამდენად იტანჯებიან ბავშვები დაბომბვებისა და ყველაფრისგან“.

მას შემდეგ რაც სამთავრობო ძალებმა ალეპოს უდიდესი ნაწილი აიღეს, ბანამ და მისმა ოჯახმა ევაკუაციის პროგრამით დააღწიეს თავი ქალაქიდან.