თბილისში, საბურთალოს რაიონში, დიდი დიღმის მე-3 მიკრო რაიონის დასაწყისში, საავტომობილო გზის პირას მდგარმა შუა ხნის ქალმა „შიმშილისგან გრძნობა დაკარგა“, რის შედეგადაც იგი წაიქცა და საშუალო სიჩქარით მოძრავ მსუბუქ ავტომანქანას დაეცა.

მომხდარიდან რამდენიმე წუთში, სავარუდოდ, 45 წლიდან - 50 წლამდე ქალბატონს პირველადი დახმარება სასწრაფო სამედიცინო დახმარების ჯგუფმა აღმოუჩინა, შემდეგ კი ექიმებმა დაზარალებული ღუდუშაურის კლინიკაში გადაიყვანეს.

როგორც Guardian.ge-ის დაზარალებული ქალბატონის ნაამბობზე დაყრდნობით, მისმა მეზობლებმა განუცხადეს, იგი მთელი დღის მშიერი იყო და „გრძნობა შიმშილისგან დაკარგა“.

ავტომანქანაზე დაცემის შედეგად ქალს კბილები აქვს ჩამტვრეული და თავის არეში სხვა დაზიანებებიც აქვს მიღებული, თუმცა ექიმების შეფასებით, მისი მდგომარეობა სტაბილურია და მას სიცოცხლისთვის შეუთავსებელი დაზიანებები არ აღენიშნება.