ჭყონდიდის მიტროპოლიტი პეტრე ცაავა მიიჩნევს, რომ პატრიარქს დაცვის სამსახური აუცილებლად სჭირდება.

მისი განმარტებით, პატრიარქს აუცილებლად სჭირდება დახმარება გადაადგილების დროს და უხერხულია აღნიშნული საკითხის ასე წამოწევა.

"თუ არსებობს მცირე გადაცდომები ამ სამსახურის მხრიდან, ესეც ადვილად მოგვარებადია, როდესაც ყველაფერი თავის ადგილს დაიკავებს. პატრიარქს აუცილებლად სჭირდება დაცვა, მას აუცილებლად ჭირდება დახმარება გადაადგილების დროს და უხერხულია ამ საკითხის ასე წამოწევა", - განაცხადა ჭყონდიდის მიტროპოლიტმა საპატრიარქოში წმინდა სინოდის სხდომის დაწყებამდე.

მეუფემ საეკლესიო სასამართლოს აღდგენის აუცილებლობაზეც ისაუბრა.

"საეკლესიო სასამართლო აუცილებლად უნდა აღდგეს. თუ სინოდს არ შესწევს ამის ძალა, მაშინ აუცილებლად უნდა მომზადდეს ე.წ დიდი საეკლესიო კრება, რომელშიც ჩართულები იქნებიან, როგორც სასულიერო პირები, ისე ერისკაცები, რაღაც რუის-ურბნისის მსგავსი, სადაც ყველა საკითხი ღვთის წყალობით მოგვარდება და საქართველოს შესწევს ამის ძალა”, - განაცხადა პეტრე ცაავამ.