მალტაში გატაცებული თვითმფრინავიდან ყველა მგზავრი გაათავისუფლეს, გამტაცებლები კი რომლებიც სავარაუდოდ ლიბიის გარდაცვლილი ლიდერის, მოამარ კადაფის ლოიალისტები არიან, დააპატიმრეს. ამის შესახებ „როიტერსი“ წერს.
ლიბიის სახელმწიფო ავიაკომპანიის კუთვნილი თვითმფრინავი „ეარბას A320“ პარასკევ დილით ლიბიაში შიდა რეისს ასრულებდა და დედაქალაქ ტრიპოლისკენ მიემართებოდა, როდესაც მას გეზი ლიბიის ჩრდილოეთ სანაპიროდან 500 კილომეტრის დაცილებით მდებარე მალტისაკენ ააღებინეს მას შემდეგ, რაც მამაკაცმა ეკიპაჟის წევრებს უთხრა, რომ მას ასაფეთქებელი ხელყუმბარა ჰქონდა.
უცნობია, თუ რა იყო გამტაცებლების მოთხოვნა. ლიბიის სატელევიზო არხის ცნობით, ტელეკომპანია ტელეფონით ესაუბრა ერთ-ერთ მათგანს, რომელმაც საკუთარი თავი აღწერა, როგორც პრო-კადაფის პარტიის ხელმძღვანელი.
ვიდეოში ჩანს თუ როგორ უვნებლად ჩამოდიან მგზავრები თვითმფრინავიდან, რის შემდეგაც ისინი ავტობუსებით გადაჰყავთ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.