30-წლიანი პაუზის შემდეგ, კურორტი მიტარბი ვიზიტორებს ისევ მიიღებს, - მთავრობის ადმინისტრაციის ცნობით, კურორტ მიტარბის ოფიციალურად ხვალ საქართველოს პრემიერ მინისტრი გიორგი კვირიკაშვილი, მთავრობის წევრებთან ერთად, გახსნის.
"დაბა მიტარბის ტერიტორიაზე ორი ახალი საბაგირო და ერთი ბიგელი Black sea Group-მა ააშენა. კურორტზე მსოფლიოში ერთ-ერთი წამყვანი მწარმოებლის, Doppelmayr-ის საბაგირო დამონტაჟდა.
მიტარბში ასევე აშენდება 2000 საწოლზე გათვლილი ტურისტული ინფრასტრუქტურა - სასტუმროები, აპარტოტელები, კოტეჯები, კვებისა და გასართობი ობიექტები, რაც ხელს შეუწყობს სამთო-სათხილამურო ტურიზმის განვითარებას ბაკურიანში.
პროექტი სახელმწიფოსა და კერძო სექტორის პარტნიორობით ხორციელდება.
კოხტა-მიტარბის საბაგიროების მშენებლობის პროექტი მთავრობამ 48 მილიონი ლარით დააფინანსა, კერძო ინვესტორი, კომპანია „ახალი მიტარბი“ კი 70 მილიონი ლარის ინვესტიციას განახორციელებს. ეს ერთ-ერთი მსხვილი ინვესტიციაა სამთო-სათხილამურო ტურიზმის აღორძინების კუთხით.
ხვალვე, ბაკურიანში, ბორჯომ-ბაკურიანის ვიწროლიანდაგიანი რკინიგზის მოდერნიზირებული ვაგონების პრეზენტაცია გაიმართება. გარემონტებული ვაგონებით გადაადგილებას ერთდროულად 128 მგზავრი შეძლებს. მატარებელი, ბორჯომ-ბაკურიანის მიმართულებით დღეში 2 რეისს ასრულებს", - აცხადებენ მთავრობის ადმინისტრაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.