„ბლუმბერგის“ ვალუტის გაცვლით სისტემაში საქართველოს ეროვნულმა ვალუტამ დღეს სწრაფი გამყარება დაიწყო. ამ დროისთვის 1 აშშ დოლარის ღირებულებამ 2.6500 ლარი შეადგინა (თბილისის დროით, 14:05 საათი), მაშინ როცა დღევანდელი ვაჭრობა 2.7050-ით გაიხსნა. საქართველოს ეროვნული ვალუტა რამდენიმე საათში 0.0575 პუნქტით გამყარდა.

საქართველოს კომერციულ ბანკებში კი კურსი შედარებით უფრო მაღალია. მაგალითად „პროკრედიტ ბანკში“ 1 აშშ დოლარის გასაყიდი ფასი დღეს (14:05 საათის მონაცემებით) 2.6890 ლარს შეადგენს, ხოლო მისი შესყიდვის ფასი 2.6150 ლარია. 1 ევროს გასაყიდი ფასი 2.8230 ლარია, ხოლო შესყიდვის ფასი 2.7220 ლარი. 1 გირვანქა სტერლინგის გასაყიდი ფასი 3.3220 ლარია, ხოლო მისი შესყიდვა 3.1890 ლარად ხორციელდება. ამის შესახებ Guardian.ge-ს „პროკრედიტ ბანკში“ განუცხადეს.

თბილისის სავალუტო ჯიხურების დიდ ნაწილში 1 აშშ დოლარის ყიდვა 2.66 -2.68 ლარად არის შესაძლებელი. 

საქართველოს ეროვნული ბანკი ლარის ახალ ოფიციალურ გაცვლით კურსს დღეს მოგვიანებით, დაახლოებით 16:40 საათზე გამოაცხადებს.

საქართველოს ეროვნული ბანკის მიერ ორშაბათს, 26 დეკემბერს, გამოცხადებული ლარის ახალი ოფიციალური გაცვლითი კურსის თანახმად, 1 აშშ დოლარის ოფიციალური ფასი 2.7302 ლარია.