იუსტიციის მინისტრმა სამინისტროს საქმიანობის 4 წელი შეაჯამა. უწყების ცნობით, თეა წულუკიანმა ანგარიშის წარდგენისას იუსტიციის სამინისტროს საქმიანობის ძირითად მიმართულებებზე ისაუბრა.
მინისტრმა აღნიშნა სამინისტროსა და მისი სამსახურების როლი ევროკავშირთან ასოცირების ხელშეკრულების გაფორმებასა და ვიზის ლიბერალიზაციის სამოქმედო გეგმით გათვალისწინებული ვალდებულებების შესრულებაში.
ანგარიშის წარდგენისას წულუკიანმა ყურადღება უწყების როლზე საქართველოს დემოკრატიული ინსტიტუტების მშენებლობაში, სამინისტროს ხელმძღვანელობით გატარებულ საკანონმდებლო რეფორმებზეც გაამახვილა.
მინისტრმა იუსტიციის სამინისტროს მმართველობის სფეროში მოქმედი სსიპ-ების 4-წლიან საქმიანობაზეც ისაუბრა და სამინისტროსთან ერთად მათი ანგარიშიც წარადგინა.
ღონისძიებას პრემიერ მინისტრი, აღმასრულებელი, საკანონმდებლო და სასამართლო ხელისუფლების წევრები, საქართველოში აკრედიტებული დიპლომატიური კორპუსისა და საერთაშორისო მისიების წარმომადგენლები ესწრებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.