"რუსთავი 2"-ის გენერალური დირექტორი ნიკა გვარამია ტელევიზიისთვის ყადაღის მოხსნას ითხოვს. როგორც მან დღეს გამართულ ბრიფინგზე განაცხადა, ტელეკომპანია გარე ფინანსური ვალდებულებების შესრულებას ვეღარ ახერხებს. მისივე თქმით, თუ ყადაღის მოხსნა არ მოხდა, ცოტა ხანში ტელევიზია შიდა ვალდებულებებსაც ვეღარ გაისტუმრებს.
"მთელი წელიწადნახევარი გავიდა, რაც „რუსთავი 2“-ის და „TV საქართველოს“ მთელ ქონებას ადევს ყადაღა. შესაბამისად, ჩვენ მოკლებული ვართ შესაძლებლობას მივმართოთ ნებისმიერ საბანკო თუ საფინანსო ინსტიტუციას ოვერდრაფტისთვის, სესხისთვის და ა.შ რასაც აკეთებს ყველა ტელევიზია, არამედ ყველა ნორმალური, ჯანსაღი ბიზნესი მსოფლიოში.
ამ ხნის განმავლობაში, ჩვენ პრაქტიკულად არც ერთი დღით არ დაგვიგვიანია ხელფასის გაცემა. სამწუხაროდ, ვაგვიანებთ პერიოდულად ჩვენი ვალდებულებების შესრულებას ჩვენი კრედიტორების წინაშე და ახლა უკვე დადგა ის მომენტი, როდესაც ვაგვიანებთ ჩვენი საგადასახადო ტვირთის აღსრულებას. უკვე ერთი თვეა, რაც „რუსთავი 2“-მა ვერ შეძლო დეკლარირებული გადასახადის სახელმწიფო ხაზინაში ჩარიცხვა.
ერთი თვე საგადასახადო სამსახურმა გვადროვა, რისთვისაც ძალიან დიდი მადლობა მას, რომ გაგებით მოეკიდა ჩვენს მძიმე სიტუაციას, მაგრამ უნდა ვაცნობიერებდეთ, რომ ამ სიტუაციაში, მათ შორის, სახელმწიფოს წინაშე ჩვენი ვალდებულებების შეუსრულებლობა მთლიანად არის გამოწვეული უკანონო სასამართლოს გადაწყვეტილებით, სახელმწიფოს მიერ უზრუნველყოფილი ამგვარი გადაწყვეტილებით, იმ ბრძოლის ბრალია, რომელსაც ჩვენს წინაააღმდეგ უკანონოდ აწარმოებს ქართული სახლმწიფო და რაშიც სამწუხაროდ, ჩართულია სასამართლო სისტემა.
სამწუხაროდ, უზენაესმა სასამართლომ ვერ გამონახა დრო, რომ ემსჯელა ჩვენს შუამდგომლობაზე, ვიდრე საქმე დასრულდებოდა, ყადაღა მოხსნილიყო და ჩვენ შეგვძლებოდა გამართულად ფინანსური ოპერირება. და დღეს უკვე მივედით ამ მდგომარეობამდე, როდესაც ჩვენ შეგვიძლია ჩვენი შიდა ვალდებულებების გასტუმრება, მაგრამ უკვე გვიდგას პრობლემა გარე ვალდებულებების გასტუმრების და მათ შორის, საგადასახადო ვალდებულებების გასტუმრების. აუცილებლად დავდგებით იმ მომენტის წინაშე, როდესაც ჩვენ გვექნება პრობლემები შიდა ვალდებულებების გასტუმრებასთან დაკავშირებითაც, აუცილებლად იმდენად, რამდენაც ჩვენ ვფუნქციონირებთ როგორც ალყაშემორტყმული ციხესიმაგრე. იმდენად რამდენადაც ჩვენთვის შეუძლებელია ის, რაც ყველა ჩვენი კონკურენტისთვის, რომელიც ჩვენსავით საკუთარი შემოსავლებით კი არ ცხოვრობს, არამედ დამფუძნებლების დონაციებით, ფინანსური დახმარებით და ა.შ. მათთვისაც კი საჭიროა საბანკო ინსტიტუციებს მიმართონ და არამხოლოდ მათთვის, იმ ბიზნესებითვის, რომელიც ყველაზე შემოსავლიანია საქართველოში, განსხვავებით ტელევიზიისგან, რომლის სარეკლამო ბაზარიც ამ ხელისუფლების მეცადინეობით ასევე ძალიან, ძალიან დაზიანებული და შემცირებულია.
ამიტომ მივმართავ საქართველოს ხელისუფლებას, მივმართავ სასამართლო ხელისუფლებას, დაანებეთ „რუსთავი 2“-ს თავი. გადაწყვიტეთ "რუსთავი2"-ის საქმე ობიექტურად, ვიდრე ამ გადაწყვეტილებას მიიღებდეთ, მოხსენით ყადაღა, რომელიც მხოლოდ იმას ემსახურება, რომ შეუძლებელი გახდეს ჩვენი ფინანსური საქმიანობა ისე, როგორც ეს შეეფერება ამხელა კომპანიას. ჩვენ ძალიან მაღალბიუჯეტიანი კომპანია ვართ, რომელიც ასაქმებს 1000-მდე ადამიანს. ეს არის 1000 დასაქმებული ოჯახი საქართველოსი.
კიდევ ერთხელ მოგმართავთ, მათ შორის, საგადასახადო სამსახურსაც. ჩვენ ვერ შევასრულებთ როგორც ჩანს საგადასახადო ვალდებულებებს, ვიდრე ეს დავა არ მორჩება, ან მანამდე წინმსწრებად ჩვენს ქონებას არ მოეხსნება ყადაღა. ჩვენი საკუთრებისთვის საინკასო დავალების დადება ჩვენი ანგარიშებისთვის საინკასო დავალების დადება იქნება ჩვენი ფინანსური მკვლელობა", - განაცხადა ნიკა გვარამიამ და დასძინა: "ჩვენი ეთერი ჯადოსნური სარკე კი არ არის, თავისით კი არ აჩვენებს. აქ ადამიანები მუშაობენ, რომლებიც ხელფასს იღებენ თავიანთ ძალიან მაღალკვალიფიციურ შრომაში".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.