„ერთიან ნაციონალურ მოძრაობაში“ დღეს ნიკა მელიას ფრაქციის თავმჯდომარეობიდან გადაყენების გუშინ დაანონსებული საკითხის განხილვა, გიგი უგულავას თხოვნის საფუძველზე 3 დღით გადაიდო, თუმცა ცხარე კამათი მოხდა ნიკა მელიასა, რომელიც სააკაშვილის დაჯგუფებაშია, და მე-2 მხარეს მდგომ აკაკი ბობოხიძეს, სერგო რატიანსა და ელენე ხოშტარიას შორის - სამეული, რომელიც გიგა ბოკერიას და გიგი უგულავას ფრთას წარმოადგენს ჯერ კიდევ „ერთიან ნაციონალურ მოძრაობაში“, რომელიც, როგორც დღეს მისი აღმასრულებელი მდივნის, სერგო რატიანის პირით ოფიციალურად გაცხადდა, იშლება და ახალი პოლიტიკური ძალა იქმნება.
Guardian.ge შეძლებისდაგვარი სიზუსტით გთავაზობთ ერთ მხარეს მდგომ მელიას და მეორე მხარეს მდგომ რატიანს, ბობოხიძეს და ხოშტარიას შორის კამათს, რომლის დროსაც ზოგიერთი მათგანის სიტყვების მთელი სიზუსტით გარჩევა, ხმაურის და ერთდროული საუბრის გამო, ვერ ხერხდება. ყოფილი თანამოაზრეების კამათის ამსახველ ვიდეომასალას „რუსთავი 2“ ავრცელებს.
ნიკა მელია დაპირისპირებულ მხარეს, სერგო რატიანს, აკაკი ბობოხიძეს, ელენე ხოშტარიას მიმართავს: „გასაგებია ჩემო კარგო, 3-4 დღეში პარტიიდან გარბიხართ, „ფრაქციიდან გარბიხართ, „ნაციონალური მოძრაობიდან“ გარბიხართ, შენ, ხათუნა გოგორიშვილმა, გიგა ბოკერიამ, ირმა ნადირაშვილმა“... „სად იყავი აქამდე?“, - პასუხობს სერგო რატიანი ნიკა მელიას. „აქამდე სად იყავი, სად იყავი, სად იყავი-მეთქი?“
აკაკი ბობოხიძე: „ყოჩაღ ნიკა, ყოჩაღ ნიკა“.
ნიკა მელია: „ბოკერიას რომ უჯერებ გასაგებია.
სერგო რატიანი: „ვინ უჯერებს სხვებს“...
აკაკი ბობოხიძე: „სპექტაკლის დასადგამად მოდით შენ და ნიკანორი, ორივე?“
სერგო რატიანი: „ორივე ვთამაშობთ“...
ნიკა მელია: „გასაგებია“...
აკაკი ბობოხიძე: „გეყოფათ რაა“.
ნიკა მელია სერგო რატიანს: „შენ როგორც იქცევი არის სამარცხვინო, მართლა გეუბნები და...
აკაკი ბობოხიძე: „ფრაქცია კი არ იქმნება და მერე ხალხი კი არ შედის, ბოდიშს მოვიხდი, ნიკა გასწავლო მინდა, გასწავლო მინდა ნიკა, ფრაქციას ქმნის ხალხი და“... (ხმა არ ისმის).
ნიკა მელია: „500 ათასი ხმით, 500 ათასი ამომრჩევლის ხმით შეხვედით და გარბიხართ „ნაციონალური მოძრაობიდან“.
სერგო რატიანი: შენ ვისი ხმებით შეხვედი?
ნიკა მელია: მე იქ ვრჩები, არ გავრბივარ.
აქ ელენე ხოშტარია ერთვება, რომელიც ამშვიდებს სერგო რატიანს და აკაკი ბობოხიძეს და ამბობს: "თავის პარტიაში აწყობს შოუს, ძალიან გთხოვთ. ყველამ გაანებეთ თავი. პარტიაში მოაწყო შოუ".
ნიკა მელია: ვიცი, რომ გარბიხართ.
ელენე ხოშტარია: ნიკა, მიბრძანდი...
ნიკა მელია: კარგი, შენ ხომ მშვენივრად იცი კაკო, რამდენიმე დღე მოვა, რამდენიმე და რამდენიმე დღეში ხომ სხვა პარტიაში გადადიხარ კაკო?
აკაკი ბობოხიძე: მე დაგასწარი და ვთქვი... ოღონდ ბოლომდე ვიბრძოლებ ნიკა მანამდე, რომ შენ რომელსაც ოფლი არ დაგიღვრია „ნაციონალური მოძრაობის“ შექმნაში და მიშა სააკაშვილის არ არის მარტო ეს პარტია, უამრავ ადამიანს ოფლი ჩაგვიქცევია და სისხლი...
ელენე ხოშტარია: არ გვინდა ახლა... კამერების წინ ამას კადრულობს, ჩვენ ამას არ ვიკადრებთ, რომ კამერების წინ ვესაუბროთ ჩვენ ამომრჩევლებს... კაი ნიკა, გავიგეთ შენი პოზიცია. დამთავრდა შოუ, დამთავრდა შოუ“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.